求神畀我出一次Pool，點知畀埋個偶像男朋友我: 5

「阿妹，阿妹！醒喇！」一大早，床下傳來姐姐興奮的呼喊聲，隨之我也感受到陽光灑在臉上。

我揉揉眼睛，低頭看著她跳著舞打開窗簾，問：「咩事啊？今日放假啵。」

「唔係啊，我要你幫手啊！」

感覺這次可能是一件大事，因為向來獨立的姐姐很少請求我幫忙，但我睡眼惺忪，有心無力，畢竟昨晚也哭累了。

「我個男同事今日約我啊！」



「咁好？有拖拍啦… …我今日自己搞掂得㗎喇。」我半醒半睡說著，腦海還未搞清她的話語。

「唔係啊，我驚啊。」

「佢細過我㗎… …同埋我唔太識睇人。」姐姐有點猶豫地說著。

姐姐的煩惱真奢侈，我可是連對象都找不到呢。

「唉，細又點，對你好咪得，放心啦。」我開始不耐煩想打發她。



「我都唔知啊，但可唔可以求下你陪我啊，順便幫家姐睇下眼啦？」

聽到這句，我突然清醒過來，禁不住怒火責備姐姐。

「下，即係要我聖誕節做電燈膽？我尋日失戀啊大佬。」

「對唔住啊，不過呢，佢話如果我真係怕醜想帶你去，佢都會帶返兩個單身、非Gay嘅男仔黎㗎，到時你又有得認識下，咁咪出pool在望囉～陪我啦好無？乖妹妹～」姐姐拉拉我的衣袖，扁著嘴巴撒嬌說。

オーマイゴッド！(Oh my god!!)



「唉，好啦好啦……俾面你咋。」我又怎會向姐姐承認，我才不想錯過每一次的緣份？

只要其中一位男生是我喜歡的、他又喜歡我就好了。

這次聖誕約會看來會是改變我和姐姐命運的大日子，但我是不容許別人輕易從我手上得到姐姐的......