【穿越/愛情】《我同鍾意咗十一年嘅人表白，佢竟然跳海死咗》: 二十九
香姨見我沒有反應，應該是認為我在消化她的說話，所以她便繼續把話說下去了。
「假如我係摩天輪嘅時候回憶載點中斷，咁我到時候就會回復正常，而講出心聲嘅計劃就會失敗。
所以為咗應付呢個情況，我已經做定兩手準備。
我已經一早將我想講嘅嘢寫她好哂係一張紙上面，然後我會攞實張紙上摩天輪。
我之前試過直接寫『我喺嚟自未來嘅你，放膽表白啦，唔表白就無機會啦！』，但因為違反咗『向現在歷史中人提及未來』嘅規則，所以張紙就自動消失咗。
所以我今次只係寫咗『一定要表白』，希望張紙唔會消失啦。
一旦我回復正常，軒仔你就可以叫正常嘅我去睇呢張紙，我相信到時候嘅我睇咗張紙，就會認出自己嘅筆跡，明白我嘅心意，然後講出表白。
所以軒仔，你嘅角色好緊要㗎，要有你，先可以保障到我嘅計劃成功。
所以跟住落嚟就要靠你啦！軒仔？」
香姨叫喚了一下我的名字，我這才從發現穿越時空的絕望真相中清醒過來。
雖然我剛才神智不清，但若莫也聽到了我所擔當的角色非常重要，所以連忙先壓下內心的情緒，要香姨再解釋一次我的工作。
「放心啦，我會幫你完成你嘅心願嘅。」聽多了一次香姨的指示後，即使心中愁雲密佈，我還是爽快地答應了她的要求。
「咁就好啦，好彩有軒仔你，我今次穿越時空嘅願望就可以實現啦。咁即使過埋今次嘅穿越之後我就要上天堂，至少都上得安安樂樂。」看著香姨釋懷的笑容，我一時間也放下了心中的沉重，陪著她一起笑了起來。
「好啦，我哋都借尿遁咗好耐啦，返去啦。」香姨笑著站了起來，我也跟著她起步。
「係喎，軒仔啊，我都未問你，你穿越時空又係為咗啲咩啊？」香姨邊行邊問。
「我......為咗救一個人。」我本想說是為了重新追求阿晴一次，但當我想到以目前的情況根本就不可能做到的時候，我就把說話吞回肚裡了。
「你要救嘅人就喺嗰班朋友入面？」香姨聰明地一猜就對，我點點頭回應她。
「雖然我唔知你最後會唔會成功，不過呢，香姨淨係想長氣啲咁講句，穿越時空呢家嘢，你慢慢就會發現其實有好多嘢其實唔到我哋去控制。
你或者會有好多嘢想改變，但到頭來，你都只可以默默咁睇住件事走翻去原本嘅歷史之中。
不過你唔洗灰心，因為我經過咗呢十三次嘅穿越之後我慢慢明白咗一件事。
既然歷史唔會點變，但因為你所做嘅嘢唔同咗，現實真係會出現少少嘅唔同，就好似我遇上咗你咁。
或者有好多人都會覺得，變嗰少少不如咩都唔做就算啦。
但係我相信，因為自己依然可以逐少去改變，話唔定呢啲嘅改變，就會好似滾雪球咁越滾越大呢。
所以記住，可以失望，但千祈唔好絕望。」
聽著香姨語重心長的講話，我感到內心中一向樂觀的靈魂稍為被喚醒了起來。
這時候，我們剛好就走到了餐廳，所以我向著香姨微笑一下，表示自己明白了。
「我嘅最後希望就靠你啦。」香姨低聲地笑著說，然後率先就走向了自己那邊的桌子了。
晚餐在一片歡樂的氣氛中完成，然後大家便一同向本晚最後的景點—摩天輪進發了。
本來在未到達Hep Five之前，我一直在心中考量著如何安排到我與阿晴可以二人一同乘坐同一個摩天輪包廂，然後便可以在浪漫的氣氛下跟她告白。
可是，當我從香姨口中聽完了關於穿越的真相後，我便失去了表白的意欲了。
因為即使表白了，對往後的歷史也是無補於是。
所以此刻的我索性壓制自己不去想阿晴的事，先專心幫助香姨完成表白。
轉眼間，我們一行人就來到摩天輪的售票處。
在夜色籠罩之下，紅色的摩天輪顯的格外搶眼。
「好啦，咁我陪咗香姨同爺爺上摩天輪先，之後我哋各自玩完之後再喺呢度集合啦，大家ok嗎？」June一邊派著她一次過替大家買好的門票，一邊說。
「香姨唔ok啊。」香姨在這時舉起了手，「阿June你難得識到班朋友仔，你就同佢哋傾多啲計，一齊上摩天輪睇下風景啦，唔洗陪我哋兩個老人家㗎啦。」
「梗係唔得啦！今次個trip係我專登要陪你兩個㗎嘛，我唔陪你邊個陪你啊？」June親熱地摟住了香姨。
「我有軒仔啊！」香姨一手就把我拉了過來，「我啱啱行街嘅時候同佢不知幾好傾啊，所以呢，你有你同你嘅新朋友傾，我有我同軒仔傾，我估軒仔都唔介意陪我嘅，軒仔可？」
我看見香姨向我拋來了一個眼神，我馬上笑著點頭。
「你兩個幾時咁friend㗎？」June半信半疑地看著我。
「我...我不嬲都幾有老人家緣嘅。」我只好尷尬地笑著回應。
June看見香姨一手拖著了我，似乎已經心意已決了，於是便說：「好啦，咁阿軒你幫我照顧好佢哋啦。」
「知道知道。」我連忙應是。
「咁軒仔，辛苦你陪完我哋上去之後，你再同啲朋友仔上去啦，一陣等香姨買多張飛俾你啊。」香姨這時已經因為計劃成功而笑得合不攏嘴。
晚間乘坐摩天輪的人比較多，所以我們都等了一段時間。
在等待的隊列上，香姨已經將告白的紙章握在右手上，並低聲地對我說：「軒仔，你記住記住，一陣如果我回復正常，即使你要勸正常嘅我睇張紙表白，你都千奇唔可以提到任何同未來或者穿越時空有關嘅事，如果唔係就會觸犯規則，你就會失去穿越嘅資格，而我過去所造嘅一切都會取消㗎啦。」
我認真地「嗯」了一聲，表示明白。
這時候，我聽到隊列後傳來了一陣歡笑聲，我回頭一看，原來是九公他們正在說笑。
看著阿晴的笑容，一想到不可能再追到阿晴，我的內心自然地又傳來了一陣疼痛。
「放心喎，陪完我哋，一陣你有機會同翻你班朋友上摩天輪嘅。」香姨看到了我的表情，還以為我是因為暫時離開了朋友而心煩。
我沒有再多解釋，只是簡單地笑了一笑作為回應。
「你好，歡迎光臨Hep Five摩天輪。」
這時候，我聽到了來自招待員日文的歡迎聲音，我便知道是步上摩天輪的時候了。
隨著摩天輪的空廂漸漸降下，我先一步跨上到空廂之中，然後準備接應兩位老人家。
第二位上摩天輪的是June的爺爺，他一手持著拐杖，搖搖晃晃的舉足不定，似是未到步上摩天輪的時機。
眼見再不上去摩天輪便要離開了，爺爺旁邊的招待員似乎加大了一點力度托著爺爺，讓他有信心邁出一步。
這一托果然有用，爺爺馬上伸出了震動著的腳，緩緩地踏上摩天輪。
誰知他一腳踏出，可能是因為腳上力度不足，這一腳未踏實地前竟然便動了身子。
這樣一來，爺爺整個人便向前一倒。
這一𣊬間，我、招待員和香姨三人同時從三個方向一拉一托一扶，尚好地把爺爺穩住了在摩天輪裡。
爺爺進摩天輪後，香姨也跟著走了進來。
「頭先真係嚇鬼死人啊，好彩有你咋軒仔！」香姨呼出了一口氣。
我聽到香姨喚我作「軒仔」，我也不禁鬆了一口氣，因為這就代表她此刻仍然是穿越時空的身份吧。
當香姨也步進摩天輪後，摩天輪的門便隨之關上，而摩天輪也開始徐徐上升。
當摩天輪上升之時，我不禁望看窗外，還幸今天夜空清澈，大阪的夜景完全盡收眼簾之下。
我想到香姨與阿詳雖然錯過了一生相愛的緣分，但至少香姨仍可以得到一次穿越的機會，並在這麼浪漫的場景說出心意。
雖然阿詳聽不明白，但作為二人故事的結局而言，其實也相當完美了。
就在我內心為著香姨而慶幸之際，我就聽到了香姨的聲音。
「你係邊個啊？點解你喺呢架摩天輪度嘅？」這聲音是充滿疑惑的。
我立馬回頭一看，只見香姨一臉迷茫，似是完全不認識我。
這時候我馬上明白，香姨是「回復正常」了。
換言之，眼前的，就是這個時間點上真實的香姨了。
「你好，我叫做阿軒，不過我係邊個並唔重要，重要嘅係，你有一件好緊要嘅事要做咗先。」我明白時間有限，所以想要速戰速決。
「做咩啊？」眼前的香姨繼續是滿臉疑惑的。
「你睇下你右手張紙就明白㗎啦。」我指了指香姨的右手。
香姨困惑地張開了右手，裡面卻是空無一物，她馬上把眼光投向了我。
「你...你睇埋左手先？」我清楚記得香姨是把紙章握在右手的，所以此刻心裡也是充滿孤疑。
香姨把左手張開了。
可是，她的手中同樣是什麼都沒有的。
當我內心被震驚充滿時，我腦海中突然閃過了一個畫面。
就在上摩天輪前，爺爺向前跌倒的一刻，香姨伸出了雙手攙扶。
有了這個畫面，我便明白了。
就是在攙扶的那一刻，香姨的紙章便跌了。
「你到底係邊個呢？我好似見過你，但一時又諗唔起。」香姨這時候又追問了一句，我感到自己的掌心卻開始冒汗了。
此刻在我眼前的是，沒有了告白的紙章，對我完全陌生的香姨。
到底，香姨的最後願望是要以失敗告終嗎？
而我，還有什麼可以做的嗎？