只要和你在一起: 童話後續

你好我叫阿柏。本來只係窮柒毒撚一個，家吓我卻過住近乎被包養嘅生活。
你無聽錯，我目前被一位女明星包養緊。原因好簡單——只係純粹身為佢對四十二吋長腿傾慕者嘅我俾佢睇中咗（定係感動到？我都唔清楚），然後成為一個可以貼身照顧佢身心需要嘅褓姆……？至少性質係咁上下啦。（足本緣由可詳見前篇《不意外的意外》）
不過，我明白事情並唔會好似想像中咁美好咁一成不變。正如童話故事裡面嘅王子公主從此好快樂咁生活落去，都係需要一步一步咁苦心經營。
https://www.youtube.com/watch?v=kry0E_fKQxI
「我講得好清楚架啦，以後你只不過係我音樂上嘅夥伴 okay?」Peace狠狠咁cut線。下一秒部電話已經被扔飛到老遠……

最近經常都聽到佢應呢類電話。每聽完呢啲電話佢心情都會變得好差。
「叫你逐隻腳趾吮乾淨呀！」Peace好放鬆咁放平佢一對散發亮麗光澤嘅美腿，任由我細心「打磨」：「我一陣要著露趾鞋上台架！」



我無出聲，只係更落力咁低頭服侍佢。

「我同你講，你唔好諗住渣流灘呀——成日恃住我錫你就放慢晒手腳，你呢種心態唔得。」如果話佢對fans親民嘅一面，同埋喺床上「女皇模式」係佢另一面嘅話，咁近排經常出現嘅「上司模式」，應該就係佢嘅第三面目。
佢應該係嘗試扮演緊佢經理人，或者係一啲佢唔頂撞得嘅前輩、同行等等，然後再道氣發落我度掛。雖然明知佢係發洩。但對象係佢嘅話，就算佢再惡再狼戾都好，你最後聽落去都依然會覺得好soft 好gur。
「嗯，差唔多夠鐘啦。」Peace望望錶，隨口咁問咗個問題：「對腳靚唔靚？」

「靚！」我用最堅定嘅眼神同語氣回答。

然後，我食咗佢一記穿心腿。



「痛！……」我揞住心口，唔敢大聲嗌痛。

「點靚法？你依家答得好求其囉！」Peace指住我額頭話：「你仲記唔記得以前寫咗洋洋幾百字嚟讚美我對靚腳架？一到手就嫌棄啦係咪？」講完佢仲突登鼓起泡腮……真係好可愛。
擾釀咗一陣，終於都吻別咗 Peace，將佢送去另一個舞台。
正當我諗緊要點喺架保姆車上過日晨之際，竟然有人一手拉開咗我身處緊嘅後座車門：

「總算見面啦，你就係 Peace隻新寵吓話？」