我係藍絲臥底（未來）: 第一章

我自小就無父無母，係我有記憶既時候，我已經被養父養母收養左，佢哋對我好好，有得飽食飽住之餘，仲有得享盡豪華富貴，住係新界既高級公寓面，要咩有咩。

養父養母仲有個女，同我同年但細我少少，叫李心悅，佢高貴得黎又靚女，擁有一張芙蓉秀臉，雙頰暈紅，星眼如波，眉目靈動，秀氣十足。

但係唯一缺點就係佢好憎我，佢覺得我係野仔，乞衣仔，所以好討厭我，返學既時候就會連同其他同學一齊欺凌我。

得閑就打到我遍體鱗傷，當我返到屋企既時候，養母養父問到既時候，佢就會假惺惺咁抱住我講「對唔住呀，我無好好睇住浩然，搞到佢受哂傷」

見到佢咁樣真係令到我好憤慨呀，但係見到佢咁靚女，我又唔舍得打佢。





係我步入青春期同中學之後，我同心悅都係讀同一間貴族中學，佢既身材都變得更加玲瓏有緻，望住佢我既性慾真係成日都好高漲，不停都想入非非。

去到中學，大家睇住歷史書，開始就整左個警察與暴徒既遊戲，警察可以用鐵製水樽打人，而暴徒就淨係可以用雙手反抗。

而我就係做嗰啲暴徒，所有野都係有選舉，不過係大多數既貴族去揀出我地依啲暴徒出黎，不停咁打，我地只有抱頭黎減少傷害。

即使老師見到，都唔會有咩問題，因為佢哋係貴族，唔會有任何懲罰，仲有可能會加歷史科平時分，而我地就可能被人送去醫療室貼雙塊膠布就算。

你問我我當時愛唔愛國？我可以答你係肯定既，係一個極權既國家，愛國既家庭當中，我根本就唔知道反抗，自由，民主究竟係咩，佢可以俾到我溫飽，我就愛佢。





唔多唔少，仲要因為咁樣，搞到我立志要做警察，因為做警察先可以唔使被人蝦。