廟街有殭屍（已在各大書局上架）: 第十章

「你咁樣應承佢好咩？」我問。
 
「我講過嘅嘢係會做。所以我先話，降魔係困難，殭屍原本都係人，都係一個普通人，殺要狠心，但每滅一隻魔，後續先難，因為責任係沉重。」
 
萬賴無聲，深夜土瓜灣的街道上空無一人，只有我們的腳步聲，還有我一直想著她的說話。
 
「睇妳外表，又估唔到妳會咁重情。」
 
「不如你收下聲。」
 




「我好難收聲，我不嬲好多嘢講。話時話，殭屍怕咩？」
 
「唔同程度嘅殭屍，都有佢進化地方，進化同時代表有弱點，例如白殭聆聽能力係人類十倍，所以同時佢哋都好怕嘈。至於怕陽光就係每個殭屍都會。」
 
「喔。」
 
在街道上，戞然跳出一個黑影。
 
「嘩！！！！」那黑影一手拉走我，我雙腳離地，轉眼被拖至一個唐樓內，不知上了多少層樓梯。
 




「韓壬辰⋯⋯」
 
忙亂之間，我隱約看到牠的眼睛是白色⋯⋯又是殭屍。
 
「救命呀！」我拼命地尖叫，叫得要全幢大廈也聽到。
 
「韓壬辰！你都要死！」
 
「咩呀？」
 




此時我才認清眼前的人，一雙獠牙，有一個胎印在左眼，獐眼鼠鼻，正是當日其中一位仵工！
 
「喂！ 」我想說萬事有商量，話未出口，他已準備一口咬來。
 
「冷靜啲冷靜啲！」我用手擋著，但他力氣甚大。
 
「冷靜？我⋯⋯我已經唔係人⋯⋯點冷靜，我而家淨係想報仇，咬咗你⋯⋯我就可以上位！」
 
「點解係我？」
 
「你已經係所有人嘅目標。」
 
「傻啦，我又唔靚仔又唔有型，又無錢⋯⋯」
 
我想拖延一下他，誰知卻被識穿。




 
「唔使諗住使走我！」
 
我只感手臂一陣痕癢，他雙爪插中我的手臂，指爪銳如刀刃，深入我的皮肉，我稍為一動便感劇痛。
 
「去死！」
 
他瞄準我的頸，舉頭就咬，在生死牽於一線之間，我想起南門蔚說過，白殭最怕嘈，我馬上向著他的耳朵高歌：「啊啊啊～今天不回家～！」
 
「徘徊的人，徬徨的心，迷失在，十字街頭的你，今天不回家。為什麼，你不回家，往事如煙，愛情如謎。」
 
「唔好再唱～！！！」
 
倏地間，南門蔚及至，一手推開牠。
 




「嘩妳竟然搵到呢度，好感動！」
 
「你把聲咁難到，聾嘅都會搵到。」她冷眼一瞪，不過我也覺得非常窩心。
 
本來掩著耳的牠，忍受不了，你們：「殺咗你哋！」
 
「放下執著啦！我唔係咁好食。」
 
「唔得！你一定要死！」
 
她貼上黃符，牠便化成乾屍。
 
「啊啊！給我一杯狀陽水～」
 
「死咗啦！仲唱。」




 
「係咪好好聽？」
 
她冷眼而視道：「好難聽。」
 
雖是虛驚一場，但牠說的那一句卻一直藏留在我心。
 
全世界都想找到我？為什麼呢？我完全摸不着頭腦，帶着疑問的我，只好見步行步。