【青春純愛+靈異】收音機裡的情人: 第十七章：求助

「你阿媽同我講你哋屋企有嗰啲嘢喎！放心啦，呢幾個法師都好靈㗎，包保你全家平平安安！」 原來母親早已知道此事，還告訴發叔了。看來我真的太遲認真看待昕昕一事。

 「好啦，拜拜！」我奔向巴士站，幸虧自己有帶銀包和電話，可以立刻去尋求幫助。 

幸好三個法師的店鋪位置都在油尖旺區，我可以一次過拜訪他們。 

坐上81c 巴士，我利用半小時的車程上網尋找三位法師的評價和收費。 

只見另外兩人似乎在網絡上行蹤低調，但價錢最廉宜的大明法師竟然有着自己的個人網站，專業程度媲美一般公司網頁。 就這個吧！





 我在永星里下車，走到近內邊的廟街，據說向大師查詢可以到這裏某棟大廈。 

良久沒有離開新界的我雖然不至於迷路，但有種鄉下人出城的陌生感覺。 

「喂！靚仔！過唔過嚟食翻個辣蟹呀！」這間賣小炒的店鋪大姐主動走來向我招手。

 街尾的算命店隨着太陽徐徐落下也開始出現，忙碌的負責人滿面油光，一手一腳搭出攤檔。

 「老細，你知唔知呢到邊棟大廈可以搵到大明大師呀？」我問着一位安坐在攤檔中的算命佬。





 「哦！你去呢個方向，轉左嗰條橫街，麻雀館隔離就有安樂大廈嘅入口㗎喇！」只怪我課堂上的地理知識都不管用，連 google map 也看不懂。

 「哥仔，睇你面色似係比啲污糟嘢纏住喎，使唔使同你算個命先去求訪大明大師呀？佢唔係個個都見㗎！」他眼眸閃爍着貪婪的光芒，看似想敲詐我這個無知少年了。 

「唔使喇！唔該曬！」三十六計，走爲上着。

我加快腳步，走到內街。 可見算命鋪旁邊都是些占卜，塔羅牌，星座等受年輕人歡迎的西式算命鋪，難怪老闆這麼急着找生意了。

 好不容易，我到達老闆所說的麻雀館，只見麻雀館剛有些穿端正西裝的男人以豪邁的步姿進內，可惜他們端正的外表仍蓋不住他們作爲江湖人士的事實。 





安樂大廈是棟唐樓，閘門更是一推即開，樓梯佈滿燃盡的菸頭，看來這裏保安也不是太嚴密。

 「答，答，答」我一步步走上位於五樓的大師所住地，走廊燈隨着我的步伐一眨一眨，恍如進入了另一個未知的空間。

 該樓層其餘的單位不是按摩就是一樓一鳳，走廊也被這些單位的主人佈置得燈紅酒綠，儼如電視劇才會出現的情景。 

「叮噹——」我按下發黃的門鈴，左右張望，生怕其他人誤會我是來「撳鐘仔」的嫖客。 

「你好，請問點稱呼？」一個穿着 polo 衫, 短褲的中年男人往前應門，面上還掛着副正流行的棕膠框文青眼鏡，就如個普通的中年人。 

「我叫呀謙，係想問下一啲......點樣去除屋企啲陰氣嘅方法。」我腦海一片空白，實在是無法用三言兩語解釋我和昕昕的事。 

「入嚟啦，你都搵到嚟呢到，呢個問題就唔使計錢啦！」他顯然明瞭我在金錢上的顧慮。

 「但.......呢個問題唔係搵大明大師答嘅咩？」我看着這個穿着悠閒的男人。 





「我咪係大明大師囉！無着嗰啲奇怪袍你就唔認得我喇？」他談笑風生的樣子實在與平常在電視那些正氣凜然，刻板嚴肅的大師差天共地。

 「誒......你個網站其實冇你個樣。」

 「呀係喎，一時唔記得咗添！唔緊要，你繼續講你嘅情況。你屋企係因爲咩先有陰氣？」他笑着地抓了抓頭髮，看上去就像個外行人。 

不要緊，難得他會相信我的話，我便把昕昕的故事如實告訴他，反正也不會有什麼影響。

 「係咁嘅，我早排買咗部二手收音機嚟考試，點知考考下就聽到把女聲，佢就話佢困住咗喺部收音機到。之後，我同佢熟絡咗，帶咗佢返屋企，應該都有一個月喇。最近我阿媽就話感應到我間房有啲嘢，就話要道士嚟作法，就算我喺道士作法嗰日帶走昕昕，老母遲早都會再發現多次，所以就問下有無啲永久啲嘅解決方法。」不小心把昕昕的名字說出來了。 

「哦，咁即係叫昕昕嗰隻鬼喺你揸住呢部收音機到，你而家想搵個地方收埋佢啫？」他把我的句子重新包裝，再私自揣測我的用意。

 「其實都係嘅，但就咁收埋佢，我又怕佢悶......」





 「睇嚟你同隻鬼都好熟喎，咁關心人嘅，正常啲人撞鬼應該好驚至係㗎！」他奸詐的笑着，眼神渾濁，使人摸不清他的底細。

 「你......唔係想消滅佢呀？佢冇惡意，仲同我溫書，我先同佢做friend 㗎！」我結結巴巴地說。

 「唔使咁驚住，你比部收音機我先，我同佢溝通下。」他回復平靜的模樣，竟然有種令人可靠的感覺。 

「但.......佢嬲咗我，唔同我講嘢呀。」 

「得我同佢講嘢，應該冇嘢嘅。放心啦，我會喺你面前同佢講嘅，完咗再同你講返內容。」他和藹的微笑竟令我想起早已離世的父親。 

「你叫咩名？」他帶上收音機插着的耳筒道。

 「好，昕昕，你知唔知你而家喺邊㗎？」

 「正確喇，因爲工作需要，你暫時同呢位先生講嘢得唔得呀？」 





「好！」他把收音機歸還給我。 

「吓？咁就完喇？你當自己做咗和事佬就算喇？」就算這不算錢，這也未免太兒戲了吧。