【青春純愛+靈異】收音機裡的情人: 第二章： 並肩作戰

「好簡單㗎啫！宜家同我做咗份中文卷三佢，聆聽同綜合都做嗮。」我拿出房間僅餘下來，最新的一份中文聆聽試卷放到桌前，在電腦找出試卷的錄音。

 「吓？冇做幾年生疏嗮喇喎！我唔想做啊！」

 「你欠咗我㗎，仲好意思逆我意？放心啦，你實識做嘅！」

 一個半小時過去，啊昕在她口述，我筆錄的情況下都很快完成了試卷，而這令我更確信自己並不是在幻想，畢竟試卷答案的質素完全不是不太讀書的我能夠做到的，除非這一切都是場夢。

 「嘩！題題都啱曬咁滯嘅？你以前攞開咁嘅分㗎？」





 「一般般啦！冇做一排，啲成績都好似冇以前咁好。」望見眼前這臺收音機的考試能力竟超出我許多倍，還要裝作謙虛，我心裏一沉，與那位「我覺得自己係零」的少年開始感到同病相憐。

 「聆聽嗰part就嚟滿分，綜合嗰段同範例寫到差唔多咁喎！你唔係做過啊？呢份已經係最近嘅卷嚟嘅喎！」

 「哈！你唔係睇小我啊？我話嗮以前都喺女拔考過第一㗎！」

 「咁堅？就算你讀咩，份卷可以做到咁高分都好勁啦！ 請受小弟一拜！」看來她這般的水平，可不是我這個繁人能夠媲美的。

 「其實呢，我叫你做呢份卷係想試下你嘅能力，不過見你咁勁，我都唔怕直接話比你聽一件事。」





 「我想你三日後嘅中文三卷幫手做下份卷。」

。。。。。。

 「吓？你唔係想我幫你出貓啊？我唔濟㗎！」她一如既往地倔強的道。

 「作爲你嘅主人，我叫你做就做啦！我肯將考DSE呢個責任分擔比你證明我信任你添啦！」我厚顏無恥地道。

 「唔好唔記得你個肉體喺我手上，我中意嘅話就可以掉你落垃圾桶，坑渠底，如果可以嘅話殮房都得！！」我的語氣變得更爲兇狠。看來不來點強硬的措辭威脅這個丫頭，她也不會屈服的。





 「咁樣......好似唔係幾好喎......」她嗓子開始有點顫動。

 「你唔好唔記得你今日令到我冇咗幾多分！你唔覺得自己應該補償翻比人嘅咩？我都唔想下下話要掉你去唔知邊度去威脅你㗎！」我採用先硬後軟的策略，把聲線裝得更溫柔無奈，希望她能夠受這一套而乖乖的爲我做事吧。

 「嗚嗚-- 你唔好咁啦！我都唔想㗎！都話我係聽到人聲， 都無心阻住你考DSE！我唔想㗎！」她的嗓音更爲顫抖，看來我弄哭她了。

 以前常看推理小說的我雖然對盤問和說服人有一手，但我卻完全不懂得安慰女孩子。面對這樣的情況，我也只能夠道歉。

 「對唔住，係我衰，語氣重咗少少！求下你幫幫手啦，你咁叻！」儘管我缺乏與女人相處的經驗，我也知道向她們道歉就能解決問題。

 「咁。。。幫你都唔係唔得嘅。」她深呼吸一下，勉強止着哭泣聲。

 「係啊？咁我當你應承㗎喇喎！Yeah!」

 「你真係衰㗎，係都要逼人先得嘅。」她不情願地道。一日後。





 「一個人原來都可以盡興 多了人卻還沒多高興」收音機突然響起這句歌詞。

 「唉！點解無人陪我啊？點解一個人會咁孤獨㗎？」

 「唔好嘈啦！阻住我溫書啊！」就算我不愛讀書，文憑試的成績總不能考得太差，免得自己連副學士都無法入讀，要讀毅進才行。

 「啊！當我冇講過！陪下你唔係唔得嘅。」我靈機一觸。

 「你會咁好死咩？你唔係又想叫我幫你做嘢補數啊？」

 「我邊係啫！係見啊昕昕你讀書咁叻，想請教下你啲嘢啫！你都知我成績差㗎啦，不如你陪我一齊溫書啦！」

 「哼！又係想利用我！你唔使指意啊！」她不屑地道。





 就這樣，我出盡奶力嘗試說服她幫我溫習，以免次次都要威脅她幫我辦事，畢竟這樣欺負女孩子不太好嘛。

 擾攘了十五分鐘後，她終於停下來，答應與我一起溫習。

 「唔玩你喇！反正我都冇嘢做，就當我善心爆棚幫下人啦！不過，你以後都唔可以話自己係我嘅主人嚟威脅我啊！從今以後，你要叫我做昕昕姐姐，我大你三年㗎！」

 對着這個又可愛又調皮的鬼姐姐，我這個對女性完全沒任何接觸的弟弟可謂完全墮進這個女人的掌心，由當初對她呼呼喝喝變得言聽計從。

 「乜你都有讀phy 同地理㗎！我都係喎！就教下你啦！」可能是在收音機裡獨自待了幾年而感到過於孤獨，她總是停止不了說話。幸好，她並不是說什麼廢話，而是在耐心地教導我過去幾年我所遺忘的知識。從此以後，我便多了一個戰友一起對付文憑試這個可怕的惡魔了。