(短故）《二月十四號嗰日，我收到一份情人節禮物》: 1.
「沈卓怡，你點呀。」Mandy一手拿起一疊文件上下掃射，應該是回顧我這個少女的資料。
「無呀，幾好。」我報上一個笑容，試圖讓她放心。
「今日唔見男朋友嚟陪你嘅？」她很在意這一點，每次來她都會問。
我其實根本沒有男朋友。
我差一點就講出口了。
「佢今日有啲緊要嘢做，嚟唔到。」我始終沒有講真話。謊言一但開了個頭，就必須繼續下去，直到永遠，絕不可以半途而廢。
「係啊，咁你地幾好呀嘛？做完手術之後佢有無陪你？」她有點可惜地望向我，然後追問下去。
「有，佢日日都陪我。」我點點頭，這句倒是真話。
「咁你同佢關係喺呢件事之後變成點？」
「佢好好，由知道開始之後日日都陪住我，有時係一餐飯嘅時間，有時候係全日....總之我地每日都會見，佢驚我唔開心，所以佢都畀好多關心我，照顧得我好好。」我回想起這個多月來的片段，這些回顧也是千真萬確的。
「咁你對你地段關係有無信心？覺得穩定咗？」
「係呀...」我把身子坐直，可能是又要說謊的關係，我有點緊張：「始終佢同以前我遇過嘅男仔唔同啦。我地一齊經歷咗件人生大事，呢件事就算過咗去都好，都係一個抺唔走嘅事實。呢種關係同牽連係令我覺得佢好唔同，當然佢對我好好，所以令我覺得佢好重要...」
「我諗佢都會咁樣諗。」我再補上一句。
「我咁樣睇你對你男朋友都好有信心，你好信任佢喎。」她把身體傾前，然後再問：「咁佢有無講過佢點諗？」
其實我也不太了解他的想法。
但在她面前都需要把戲演下去：「佢同我都好大壓力，佢雖然無講出口，但我知道佢無乜同人傾訴過呢件事。所以佢應該好壓抑，對我都好內疚，覺得自己害咗我...所以我都唔會係佢面前講太多我對呢件事嘅諗法，我怕會令佢更加大壓力。我唔想佢唔開心。」
她恍然大悟地點點頭：「咁你都好為男朋友著想喎，你地好為大家諗。」
「係呀，佢對我咁好，我都好愛佢，為佢諗係好應該做嘅事。」我肯定地定頭。
我的確愛他，不過很抱歉我只能把故事的其中一部分告訴你，剩下的都是難以開口的破事。
「咁就好啦。有啲女仔有咗但無男朋友陪，真係好慘㗎...見到你地因爲呢件事之後感情好咗，我都好放心。」她的話好像一根失了方向的針般戳進我的心窩，痛處驟然又現。
「嗯，我都覺得我好幸福。」向著一個陌生人說這樣假的大話，雖然有些心虛，但好像比較理直氣壯。
她接下來就關心一下我的身體狀況、手術後的復原情況等等。
「下次你嚟覆診個時見醫生得啦，因為你個case都唔使我再跟，你同男朋友咁好。」臨結束時她再說，就像在我的傷口上補刀一樣。
望到診所內的少女總是有個男孩伴在身邊，一陣心酸和難堪再度湧上心頭。
對呢，只有我是沒有男朋友。