［真人真事改篇］《有一種鍾意，係我鍾意你鍾意我。》/《初戀1000天》: 第十四章上 「我走回從前你往未來飛 遇見對的人錯過交叉點」 〈以後別做朋友〉

https://www.youtube.com/watch?v=Ew4VvF0DPMc
第十四章上
經過數月準備，Jonathan、Jessie和Joey成功擠身決賽，與兩間來自名校的隊伍角逐冠軍。

決賽前的一星期，Jonathan趁着小息的空檔來到Jessie的班房，剛巧Joey正在門前擦黑板。





「你搵Jessie呀？佢同James去咗小食部買野食喎。」Joey看着目光像是在搜索些甚麼的Jonathan問道。

自從那天，Jessie去過James家後，二人比以前更常黏在一起。有時候，James會特意等Jessie練習完籃球後，捧着還熱乎乎的雞蛋仔等她；有時候，明明有籃球隊的訓練，可為了不讓James等，Jessie會偷偷溜走。

終於，Jessie失去了籃球隊長的位置，她索性退隊。於是，每天下課後，都幾乎可以看到他們結伴而行的身影。

「唔係呀，我係黎搵你同Jessie。」看着Joey疑惑的樣子，他續說：「見就快決賽，我諗住問你地星期六得唔得閒dem多次個Present同group discussion姐。」

「我就得嘅，但Jessie⋯⋯佢好似約咗James睇戲喎。」





「Jessie成日都唔得閒，好似好忙咁。」

「緊係啦，忙住拍拖呀嘛，我地依啲單身狗羨慕唔黎，再唔係你都搵返個囉。」

「我？我去邊到搵？」

「你邊洗搵呀，唔洗你搵人，人地都主動搵你啦。」

「邊有人主動搵我，亂咁講。」





「咩亂講，Christy、Deborah、Kate，就咁隨便數一數已經三個，係等緊你say yes咋。」

「咪亂講啦你，佢地都唔係鍾意我。」內向的Jonathan不禁害羞起來。

「唔鍾意你又係你生日親手整曲奇你食，情人節又整朱古力，聖誕節仲親手畫張卡送比你？」Joey放下手上的粉刷，走到Jonathan前，用一個迷離的眼神看着他。

「朋友都可以送曲奇、朱古力，畫卡架吓嘛？」James嘗試為自己解畫。

「喔，我都就生日啦，麻煩你親手整曲奇、朱古力，順手畫張生日卡比我呀，好朋友。」Joey伸出手掌說。

「哇，咁貪心，我生日呢咁？」Jonathan也看着Joey伸出手掌，還是一雙放在她臉前。

「你今年生日嗰陣我都未同你熟，過咗啦喎，明年請早，我就唔同，就快到我生日啦，我份禮物呢？」Joey把自己的手疊在Jonathan的手上。

「我嗰份呢？」越過Joey的手，這次是Jonathan的手疊在了最上。





「小學雞，都唔知點解班女人會咁鍾意你。」說罷，Joey的手再次超越Jonathan。

「喂呀，你做咩偷我粒墨魚丸食？」這時一把聲音鑽進Jonathan的耳朵。轉過頭看，原來是正從走廊的另一端走過來的Jessie和James。

Jessie連忙從James的紙杯裏搶回一顆牛丸放進嘴裏，說：「又幾好食喎。」

「你鍾意嘅，比多粒你啦。」

「咁好？」貪吃的Jessie笑着說。

James嘗試把牛丸放到Jessie杯裏，牛丸卻黏着牙籤，怎也甩不掉。

「算啦。」James索性把牛丸餵到Jessie口裏。





一時反應不過來，Jessie竟不自覺地張開了口，過了幾秒才反應過來，臉紅紅地說：「你做咩大庭廣眾餵我？比老師見到點算？」

Jessie想起，那回在課室，James在她的後頸騷癢，竟被一位呀Sir叫了出來訓話了一頓，還差點被記了警告的經過便警惕起來。

「見到咪見到囉。」James滿不在乎地說。

雖然這一幕已不是第一次出現，可每次看到，都會破壞Jonathan本來的好心情。

「Jessie返黎啦，你可以問佢得唔得閒啦。」Joey說。

「唔洗啦，你幫我問佢啦，我返去先。」說罷，Jonathan轉身便走了。

明明人地仲差幾步就行到黎，你直接問佢唔好咩？Joey心想。

看着Jonathan遠去的身影，Jessie向還站在門前的Joey問道：「Jonathan過黎做咩？」





「呀，佢叫我問你邊日得閒，練下決賽份稿喎。」

「咁做咩見到我就走？」

「可能單身狗唔慣見到你地咁Sweet掛，咁你邊日得閒呀？」

「你想呢，我邊日都可以。」

「扮啦你，成日掛住拍拖。」

「邊有呀？」、「唔好賴我。」Jessie和James異口同聲地說道。

「又幾合拍喎你地。咁星期六你得唔得呀？」





「er…我地嗰日要去睇戲⋯⋯」Jessie支支吾吾地說道。

「都話咗你架啦，重色輕友！」Joey說。

「最多我睇朝早嗰場，睇完Join返你地啦。」

「係咪架？我一陣同Jonathan講架啦。」

「真係！」Jessie堅定地說。

然而，來到星期六，當Jonathan都到了Joey的家好一會，Jessie才發信息給Joey，說：「Sorry呀，我臨時有啲事要晏啲先黎，你地傾住先。」

「有無搞錯，睇死佢一定係Miss咗朝早嗰場，轉咗睇晏就！」Joey生氣地把手機甩到一邊，續說：「以前佢都唔係咁，依家成日掛住拍拖。⋯⋯Miss Lui講得啱，佢唔應該同James一齊。」

Joey想起，以前的Jessie雖然冷酷一點，可做事比現在的她有衝勁多了，還是威風一時的籃球隊長，如今卻連籃球隊都Quit了，那種Charm的味道逐漸從她身上消失不見。

然而，他仍迷戀她，不論從前或現在。

「都唔明點解Jessie咁鍾意James。」Joey托着下巴自言自語道。

「話時話，點解佢會同James一齊？」Jonathan乘機問道。

「可能比James打動咗掛，佢鍾意咗佢咁耐。」

我都鍾意咗佢咁耐，點解佢無比我打動？Jonathan心想。

他看她喜歡的卡通，玩她喜歡的遊戲，留意她Facebook的每條新動態、讚好的專頁，找她能彈的琴譜，為她抄筆記，提醒她考試的重點，把笑容和熱情都留給她⋯⋯最後她卻選擇了James，那個和她截然不同的James。

然而，他有哪些地方不及James？

「你估Jessie鍾意佢啲咩呀拿？」Jonathan假裝不經意地問道。

「鍾意佢夠on9掛？」Joey隨口說道。

Jonathan想起，不論老師說甚麼，James都喜歡回駁他們的話，又常常在課堂上和Lemon淨做些奇怪的事，如比賽紙摺的青蛙跳，突然鬥快把樽內的水喝光之類的，幼稚的舉動常引起老師一陣怒罵或無奈。

難道是要像他一樣幼稚嗎？

看到Jonathan若有所思的模樣，Joey說：「我講下咋，唔洗咁認真喎你。」

「無呀，我諗緊決賽啲野咋嘛。」

「其實你有無對追你嘅女仔心動過？」

「邊有人追我呀？」Jonathan尷尬地笑着說。

「明明就有，點姐？真係一個都無？其實Kate都幾好呀，成日都主動搵你，鍾意你鍾意到出晒面喎。」

「都話無囉。」

「真係少少心動都無？」

「無呀，唔係，我意思係無人追我呀！」Joey愈說，Jonathan便愈急着否認。

「Jessie呢？仲有無鍾意佢？」

「無呀，無鍾意過呀，你唔好再亂估啦。」

「真係？你頭先個樣好認真喎。」

是嗎？我的樣子認真了嗎？然而，認真又有何用？她又不屬於他。想到這裏，他覺得自己很可笑。

「我好認真咁諗James有幾on9姐。」

「係咪架？」Joey問道。

「你鍾意點諗就點諗啦，我繼續Prep決賽啲野，你慢慢估啦吓。」

「好啦好啦，唔問啦。講返決賽啲野啦，其實你覺得佢Q&A嘅時候會問啲咩呀拿？⋯⋯」


晚上，Jonathan拿起手機，手指在確定刪除，和取消之間徘徊不前。

他抬頭看了看窗外的天空。這夜的月色被濃霧牢牢包裹着，連月亮的身影也難以看到，一如他的感情世界。

其實他知道，Joey說的都沒錯，樣子不差的他可以有很多選擇，甚至可以找到比Jessie更好的，既然如此，他又何必駐足在一朵不會開花的果樹前？

她的笑容註定不會為他綻放，他和她走得再遠，終點也只能是好友。

想着想着，手指竟不自覺地觸碰到「確定刪除」的按鈕，和Andy、Chloe、Jessie之間、幾年的合照頓時一剎那從相簿裏消失得乾淨。
他愕然。

原來沒有她的相簿竟是如此空寂。沒想到這麼多年的回憶，竟然一秒就能刪盡，那麼他對她的感情能否也如此？

這問題就如月光甚麼時候才能從雲霧中掙扎出來一樣，不會有確實的答案。

他只能等，等雲霧飄過，或等風來把它們吹散，在他把照片從垃圾桶裏釋放出來之前。