《我喺連「興趣」都冇嘅極權國家生活咗廿年，直到遇見妳》: 第一百二十六章

走進市區，這真非常熱鬧，人來人往，是洛國沒見過的景象。
大街內傳來嘈吵的談話聲和叫聲，但我當然聽不明白。而且，這裏還傳來一陣香味，令我變得肚餓，很想吃飯。
我跟著銀欣從大街的正中間靠到左邊去，並慢慢看左邊的東西。這裏的街旁有好多不同地方擺放著各式各樣東西或是食堂，同時又有很多人圍觀還入內揀選物品。
「老婆，你哋金國咁開放嘅，啲野就咁放係度比人拎。」
「呢啲叫鋪頭，你要比錢先可以買到入面啲野。」
「咁咩係錢？」
「你當每樣貨品有佢唔同嘅價值，你要比番相對應嘅金錢黎換取。簡單黎講，就係一個用黎衡量價值嘅單位。」
「好複雜。」
「慢慢黎啦，你由細到大都喺一個封閉嘅國家，你需要一段時間先可以學識其餘三國嘅生活模式。」
「除左金國，另外兩個國家都係咁？」




「類似啦。」
「你去過？」
「係呀。對我哋黎講，去其他國家旅行唔係啲咩特別事黎。」
然後，由於很肚餓，所以我專注於不同食堂。
真的如銀欣所說的，這裏有很多不同的食堂，而且賣著不同的食物。每樣看上去都很好吃，令我不知要選擇哪一樣。
「老婆，嗰個咁似你個銀式炸雞？」
「呢樣係其中一樣我哋好出名嘅野食黎。如果你樣想食，不如我帶你去一間我鐘意食嘅？」
「好呀。」