《我喺連「興趣」都冇嘅極權國家生活咗廿年，直到遇見妳》: 第一百二十四章

我跟著銀欣步行至電車站，沿途她跟我說著一些我從沒聽過的洛國歷史。
「老公，你知唔知其實我哋四國從來就冇打過仗？」
「洛國歷史唔係咁講，但我已經唔知洛國教嘅野仲信唔信得過？」
「嗰啲你可以唔駛信，係佢哋可以方便管治市民，唔有叛亂而作出黎嘅故仔。當時四國黎講，洛國嘅管治係最差，因為領導人只係識吃喝玩樂，又收重稅…」
「等陣先，咩係稅？」
「你連錢嘅概念都冇，好難解釋，簡單黎講就係搶晒市民啲私人物品啦。咁洛國有能力嘅人就覺得自己貢獻咁多，但最終比人搶晒啲野就好唔甘心，所以就萌生左離開洛國嘅念頭，而愈黎愈多人都響應呢樣野。咁其他國家，好似我哋金國見到咁多人才過黎，我哋當然會接收，因為佢地會帶黎技術同埋知識。就係咁，當時嘅領導人命令起圍牆，唔比人民再走，同時將當時所有企圖叛國或者將呢啲事蹟描給成書嘅人全部殺晒，書就全部燒晒，將真實嘅歷史永遠埋藏係火焰之中，而佢地就開始竄改歷史，變成你哋依家所讀嘅洛國史。你會信邊個版本？」
「我暫時偏向信你哋呢個，因為我見到眼前嘅金國咁繁榮，已經質疑洛國書本嘅可信性。同埋我作為新聞局局長，我都知新聞根本就係由我作出黎。」
了解洛國真正歷史的同時，我們終於到達電車站，也看到不少市民已經在等待電車。