《我喺連「興趣」都冇嘅極權國家生活咗廿年，直到遇見妳》: 第一百零三章

「我真係揀唔到喎︳可唔可以話我兩個都想見？」
「真係要揀一個呢？」
「我真係唔知，一個係我覺得佢好勁嘅人，一個係我哋國家嘅頭號人物。」
「咖喱我明，因為你好鐘意佢嘅射術，所以你好崇拜佢，我完全可以理解，但係依家嘅領導人我真係理解唔到？」
「呢啲野你點可以講出口架？咁唔尊重領導人嘅說話比人聽到受罰架。」
「依家得你得我，又有咩所謂，我知你唔會告發我咪得。但係你未答我問題，點解？」
「其實我都唔知，但係有邊個唔想見自己國家嘅領導人喎。」
「佢有冇實質做過啲咩令你受益先。」
「最基本衣食住都係國家供。冇領導人，我哋邊有得食飯？邊佪會定期派衫比我哋著？我哋依家又點有咁大嘅屋企喎？有冇道理。」
「老公，你諗真啲，你係局長喎。呢個係你作為局長嘅獎賞。你諗番之前，你食嘅食物係咪差好多先，仲要冇得揀又涷。衫就可能係殘舊啲，屋都唔係大。所以佢呢衣食住嘅野只係回饋番你辛勞工作的成果。」




「你咁講又好似有啲道理嘅，你搞到我好似冇今朝咁想見領導人，雖然我都仲係對晏啲有得見佢感到興奮。」
然後，我們兩人沉默了。直至師父師母敲門，帶我們一起前往生日大會。