《我喺連「興趣」都冇嘅極權國家生活咗廿年，直到遇見妳》: 第九十七章

吃晚飯的時候，我開始追問銀欣剛才會客室內所發生的事，因為實在覺得我最後看的畫面太匪夷所思了。
「老婆，你岩岩同周玲喺入面究竟做左啲咩黎？點會過左兩個鐘之後，你地嘅關係唔同晒？」
「秘密。」
「但係我想知喎。有咩唔可以同我講啫？」
「但係我唔想講喎。」
「你依家係咪玩我呀？」
「擺明啦。」
「咁你幾時先肯講呀？」
「睇心情啦。快快手手食埋飯，番去做埋你啲野先啦。」
「係喎，我仲未睇佢哋今日啲稿。」




「你終於記得啦？局長。冇我呢個老婆，都唔知你點算，至少今日一定失職。」
「如果唔係我驚你同周玲會有啲咩事發生，我點會唔記得喎。」
「你驚咩呀？擔心我呀？」
「唔知呀。」
「真係唔知？」
「你都知啦，周玲咁想做局長夫人，點知佢會對你做啲咩喎。」
「咁你又夠膽剩低我同佢兩個係間房？你講到咁驚。」
「唔知呀，嗰一刻我覺得你有能力解決問題，相信你嘅能力，但我冇諗過最後變到咁。」
「咁你老婆我就不嬲都咁有能力嘅。」
就這樣你一言我一句的情況下，我們吃過晚飯，趕快回家，處理局長的事務。