《我喺連「興趣」都冇嘅極權國家生活咗廿年，直到遇見妳》: 第九十二章

「咁你又唔拎出黎講？」
「咁我唔知點開口，同埋我覺得講唔夠兩句就會激嬲你。」
「咁你覺得如果我要拎出黎講，我應該要講咩？」
「我都唔知。」
「咪係囉，所以我都唔講，講黎都冇意思，只會嘈。」
銀欣果然心思縝密，她說的我本來都沒有想過。我為何覺得她會拿這件事出來討論呢？明明我自己都覺得避而不談是最佳的做法，她又怎會想不到呢？
銀欣見我沒有回應，便繼續說下去。
「我知啦，你一定係想我講『你個舊相好轉頭過黎喎，你依家係咪好開心』，係咪想我咁講呀？」
「緊係唔係啦老婆，我依家淨係鐘意你，我再冇對佢有乜諗法。」
隨著與銀欣成為夫妻，從不知何時開始，我已經將周玲忘得一乾二淨，並對銀欣死心塌地，深愛著她。現在，只要銀欣有任何吩咐，只要是我能力範圍內的事，我都應該會盡力完成，令銀欣高興。




後面的心底話當然沒有說出來，畢竟實在太難為情了。
我們也說太多閒話，便吃過飯，返回家中，在會客室等待周玲。
不消一會，明外傳來汽車的聲音，相信是周玲吧。
果然，就在幾秒後，我們就聽到了敲門聲。這兩天一直困擾我的，我最不想面對的場面終於要揭開序幕了。