《我喺連「興趣」都冇嘅極權國家生活咗廿年，直到遇見妳》: 第八十七章

就在那高走了之後，銀欣沒有再跟我說話，直到回到家中才說了第一句話。
「李日，你醒小小得唔得呀？」
「岩岩唔好意思囉。」
「咪講左係那高偷偷地比我哋用，你係唔應該知有呢部機存在。」
「我知錯啦，唔好嬲啦，但係我點睇都覺得馬光係完全唔知情咁喎。」
「佢扮得好啫，你咁都信？」
「但係…」
「唔駛但係啦，你覺得洛國除左佢之外，仲有第二個人有咁嘅資源同埋能力整呢啲新野出黎咩？」
「你又好似有啲道理。」
「所以你今日做嘅野真係大錯特錯，可能今晚那高有排比佢老公鬧，你今晚同我訓工作室，唔好諗住有得返房訓。」




「但係…」
「唔駛但係啦，你都話自己錯啦，呢個係咪合理嘅懲罰先。」
「都岩嘅…咪住先，明明我先係局長喎，點解我要聽你講野嘅？你唔想同我訓唔係應該你去訓工作室咩？」
正所謂禍從口出，我說完這句話已經後悔了。本來心情慢慢回復的銀欣又變得非常生氣，更甚的是，現在出現的暗黑版銀欣更是前所未見。
「你夠膽再講多次？」
「我一時衝動啫，你大人有大量放過我啦。」
「無問題呀，今晚我訓工作室囉，你之後仲想唔想有人陪，有平板電視睇，我冇所謂架。」
「唔係呀，我唔係咁嘅意思，我係話我作為局長訓工作室好閒啫，你緊係要訓房啦，點可以訓埋工作室呢啲咁唔舒服嘅地方。」
結果，整晚我都是在屹求銀欣的原諒，甚麼跪玻璃，叩頭認錯，你們想到的，我應該都做過，才得到她的原諒。
而最後，我究竟睡在哪？當然是她身邊。