《我喺連「興趣」都冇嘅極權國家生活咗廿年，直到遇見妳》: 第三十六章

過了不久，坐在總編室前的李家欣走到余沁的旁邊，給了她一張紙。
「李日，有野做啦，搬張櫈過黎我個位，今日你睇住我做先，中間有咩唔明就問。」
我按照她的指示，坐在她的身邊。
「你睇下張紙先，佢上面就寫左標題，《洛國防衛部成功阻止金國衝撞車攻城》，然後下面寫了數個重點，包括金國近期動作頻繁和防衛軍用弓箭射殺金國士兵。比著係你，你會點寫篇新聞？」
「我會首先講防衛軍一直有留意其餘國家在邊境嘅活動，指出近來動作頻繁，並發現了衝撞車，再描寫士兵們守衛洛國的過程，最後稱讚洛國士兵有勇有謀。」
「唔錯唔錯，不過你中間可以加番咩係衝撞車，未必個個市民知係咩黎，然後要寫金國呢幾年嘗試左幾多次攻城，最尾要強烈譴責暴力行為。不過你第一次就比到岩岩嘅答案我已經好好，絕對合格，呢度有好多同事都係寫緊你岩岩講咁嘅水平。」
「咁諗完點寫，知唔知之後要做咩？」
「揾資料？」
「冇錯，咁你跟我過黎呢邊資料區啦。」
資料區在五樓，我們需要走一層樓梯。不過在離開辦公室時，我看到兩個面孔。