《我喺連「興趣」都冇嘅極權國家生活咗廿年，直到遇見妳》: 第二十三章

周玲走到我身旁，彎下腰，在我耳邊輕聲說話。
「其實我一直都覺得你咁做好有型架，不過我見全部同學都唔鐘意，我唔敢唱反調，不過我依家決定左要忠於自己。」我相信了她話，而果然在未來兩年，無論我在人前還是人後拋餐具，她都會稱讚我的招式。
回到課室，周玲坐在我的桌上，與我和方晨談天。不過我其實也沒多說話，只是一直看著她那天使般的笑容的惡魔般的身材。直至鐘聲響起，楊老師走進課室，她才返回她座位。
「你知唔知佢做咩？今日唔單止唔對我黑面，仲要笑到四萬咁口。」我問方晨
「我估到小小啦，我就唔踼爆佢啦，反正你遲啲都知。」
接下來一個星期，無論是吃飯，還是小休的時間，周玲總會在我的附近出現。
終於來到再次分組的前一天，在小休時，周玲又再次走到我的座位旁。
「方晨，可唔可以借一借你個位比我？我有啲秘密想同李日講。」
「當然可以啦。」
方晨就這樣走了，我非常緊張，但又十分興奮，思考著周玲會有甚麼秘密想我分享。




「其實呢，下次分組我可唔可以同你一組呀？」
「但係你唔係同方晨一組咩？」
「我想兩個人一組，好似小啲人做可以接觸到多啲野，學到多啲野。」
「我無所謂嘅，但係方晨點呀？佢個組咪會得番三個人囉。」
「甄直都冇組，叫佢入去咪得。」
「可以嘅，但你諗清楚未？我哋唔係四人組，唔知楊老師個一成七分…」
「放心，只要我哋每次都做到全班最好咪得。」
「都岩，咁多多指教啦，周玲」
「大家咁話，合作愉快。咁我同方晨講聲先。」
接著，她便走到方晨旁說了幾句，便返回她的座位了