其實世界很溫柔: 敘舊

在郁郁蔥蔥的花園內，一男一女正在涼亭下享用麻醬烏冬。一道青春美麗的景色卻被濕熱的空氣弄得變調。因為夏日的晴空，伴隨着熾熱的陽光。儘管簷蓬已經為他們遮陰，但熱烘烘的空氣還是令整個花園活像一個蒸鍋。花花草草紛紛垂下了頭，蟬鳴卻不間斷地傳來。

余駿軒的衣服都濕透了，他說：「大佬，你覺唔覺得係花園食飯係一個好差嘅選擇？」

Summy一邊揮手拍繞著她打轉的蟲子，一邊帶著無奈地說：「之前唔覺，依家覺。」

余駿軒被熱得麻目了，吃甚麼也無味。他看著碗內剩下一半的烏冬，嘆了一口氣。

Summy：「唔食嗱？」





余駿軒搖頭說：「飽啦。」

他們太久沒有交談，只聊了一會，氣氛就開始冷清。

余駿軒率先開口：「我哋都好耐冇一齊食飯。」

Summy：「都係㗎，之後約多啲囉。下次叫埋阿風？」

余駿軒：「好啊。點解你會突然間搵返我嘅？」





Summy：「冇啊。咁本身同你friend開，唔講嘢好似好怪。」

余駿軒有點自怨自艾道：「你係Suumy姐喎。咁多仔想識你，又咁多朋友會同你食飯，洗乜理我呢個圖書館做嘢的毒L啊⋯」

Summy有點生氣説：「我有介意過你係毒L，一開始就唔同你friend啦。你唔好咁自卑好唔好？」

余駿軒低聲説：「我真係好自卑⋯」

Summy語氣柔和了不少，她問：「其實你係唔係因為覺得我⋯愈嚟愈出名，所以想疏遠我？係，你講啊。我之後唔會再煩你。」





余駿軒想了一會，說：「有少少啦。我覺得你愈嚟愈好⋯你值得更好的人同你做朋友，而唔係我。」

Summy焦眉愁眼地望著低下頭的他，擔心地說：「其實你個人唔差。應該咁講無論你覺得自己係點，你都要愛自己囉。你唔愛自己，咁對愛你的人好差⋯」

余駿軒挖苦自己說：「我覺得自己好差。成日好容易就唔開心、好容易就放棄、好容易就⋯我討厭自己。」

Summy勸導他説：「咁講好似唔係幾好⋯但係我肯定呢個世界任何人都好fuck up，只係有啲人比你更識偽裝、包裝自己。所以你覺得佢哋活得比你好。」

余駿軒認真講：「但係我真心覺得你好完美。」

Summy馬上否定他説：「唔係囉。我個人好差⋯係你哋見唔到姐」

余駿軒誠懇中帶著失望地說：「你性格咁好，比你仲意啲人真係好幸福。」