《足印》-從幼稚園開始，對你的心意原來一直是愛情-: 54

「天仔，今晚你又諗住煮咩啊？」由我準備晚餐的日子，老媽總會一臉好奇的走進廚房問我。
 
「炆豬軟骨菜飯，配炸雞翼。」我淺笑。
 
「嘩…個配搭咁奇怪嘅？係咪柔柔教你嘅秘方嚟架？」
 
「唔係啊，呢個係有一次我喺茶餐廳食緊飯突然攞到嘅靈感嚟架。自創架。」
 
「自創咁犀利？冇柔柔喺度教你，你自己一個得唔得架？」
 




「咁又唔可以咩都靠阿柔嘅…」我拋著鑊，苦笑：「至少呢三年…要靠自己架喇。」
 
「你個衰仔，幾時變得咁識諗…」老媽一副愕然的樣子。
 
「因為佢囉。」我淺笑。
 
一年很快又過去，我的放榜成績也如願的有所提升，每個科目都升上了一級。
 
我以這26分的成績報名參加本年度的大學聯招，順利入讀第一志願的大學修讀自己心儀的學科。
 




哈，又有誰會想到我能夠順利摘星，科目還是當初最討厭的數學科呢？
 
我自己也不曾想過吧。
 
要是沒有下定決心的用功讀書，能不能拿到合格的分數也是個未知之數。
 
要是依舊無所事事的閒著渡過每一天，那就只能說是虛耗光陰了呢。
 
要是沒有勇敢的踏出那一步，我的人生也不會像現在般充實吧。
 




之後的日子，我分配了更多時間在不同的活動上，希望繼續努力充實自己的人生。
 
偶爾我會相約阿揚兩人去行山、偶爾我會呆在家中研究新食譜、偶爾我會到街口的音樂中心學習。
 
相比起過去的我，這樣的人生的確充實不少。
 
在漫漫人生路上不斷一步一步的往前，不輕言放棄的一直前進。
 
縱使偶有挫敗、偶有看似難以跨越的高牆，人總需要繼續勇往直前。
 
這，才是人生應有的樣子。
 
對吧？這是你教曉我的啊。
 
此刻的你，在英國的生活又過得如何呢？




 
我很想你呢。
 
不過我知道，你一定也在想著我的。
 
對吧？
 
阿柔。 
三年後。
 
闊別三年……香港，我總算回來了！
 
天仔說得對，英國那邊的確也有我最喜歡的火鍋放題餐廳，雖然真的為數不多就是了。還有就是……味道有點怪。哈哈，始終還是香港這裏的比較符合我口味。
 
久未見面，詩詩彤彤有想念我嗎？我很想念你們呢。




 
你們兩人…應該就在外面的接機大堂等著我吧。
 
還有，我最掛念的你……應該也在吧？
 
甫踏進接機大堂，我便聽見自己的名字。呵呵，看來是眼尖的詩詩彤彤兩人已經從人流中找得著我的身影了。
 
「柔柔！」「呢邊啊！」
 
「詩詩！彤彤！」我馬上拖著行李箱奔向兩人，急不及待的彈跳到她們身上來了個久違的擁抱：「超掛住你哋囉！多謝你哋啊，咁夜都嚟接我機！」
 
「傻女，咁耐冇見緊係要嚟接你啦。」「我哋一齊去食個宵夜先返屋企啦？」
 
「哈哈，好啊！」我左顧右盼，還是找不著他的身影：「係喎，天仔呢？」
 




「唔知喎…我哋都未見到佢。」彤彤搖搖頭說。
 
「佢係咪遲到啊？」詩詩問。
 
「喔…」遲到嗎？有點失落呢…
 
「我們都有覺悟 要瘋狂到」
 
是他的來電！
 
「喂，天仔？你去到邊啊？我到咗喇喎…」
 
「阿柔？唔好意思啊，我唔記得咗你今日落機啊…還掂而家都咁夜，一係我哋聽日先見啦？」
 
「嘟嘟嘟…」




 
忘記了也就算了…但你這就掛斷電話了…？
 
「盧樂天你個衰人！我憎死你啊！」我不自覺的緊握了拳頭。
 
突然，一雙溫暖的手從後把我輕輕抱住：
 
「邊個咁大膽激嬲我嘅柔柔公主啊？」
 
一把最熟悉不過的聲音。
 
一把屬於那個…不顧兩地時差也堅持每天陪我聊電話的傻瓜的聲音。
 
「天…天仔…！」我的怒氣驀然一掃而空。
 
一旁的詩詩彤彤兩人看到這幕，都不約而同的笑起來。
 
「哎呀呀……你哋三個夾埋嘅！」我激動的說。
 
「唔好嬲啦傻妹，」天仔拍拍我的肩膀，繼而輕撫著我的頭說：「去食宵夜咯？」
 
「喔……」我感覺到，自己的臉頰已經紅透了。
 
很溫暖…
 
久別重逢，天仔的胸襟……是不是變得更為廣闊了？
 
吃過簡單的一餐，我和天仔便跟詩詩彤彤兩人分別，各自回家。
 
「拜拜柔柔！我哋搵日去迪士尼玩啊！」「唔好掛住拍拖唔理我哋喎！」
 
「知道喇，我哋遲啲再約個時間啦！拜拜！」我揮著手說。
 
真是的，詩詩又在胡說了……我和天仔仍未正式交往呢。
 
雖然…她這樣說我也不會感到任何反感就是了。
 
跟兩人簡單道別過後，天仔牽起我的手，跟我一同慢慢走回家。
 
「好耐冇見喇，公主殿下。」
 
「呵呵，明明我哋間唔中都有視像通話架喎~」我笑說。
 
「喺螢幕上望住你同而家親眼望住你…」天仔哄過頭來，用自己額頭輕碰到我額上：「又點會一樣呢，傻妹。」
 
我甜笑一下，說：「點啊？咁耐冇見……有冇鍾意咗其他女仔啊？」
 
「緊係冇啦…個心已經裝住咗最愛嘅你，又點會裝得落其他人呢。」
 
「都唔知你邊句講真，邊句講笑。」我苦笑的搖搖頭。
 
「係咩？自問我都幾直接啊？」他微微一笑：「至少…對住你，每一句都講真。」
 
「聽住先啦~」我抬起頭，看著夜空：「近牌除咗讀書，仲有冇咩新搞作咁啊？」
 
「想知？要麻煩你做啲嘢架喎。」
 
「講嚟聽下~」
 
「咁我就麻煩你，後日朝早十點去到我哋樓下街口嗰間音樂中心~」
 
「明日之星音樂中心？呵呵，你個傻佬終於扚起心肝學結他呢？」
 
「哈，後日你嚟睇下咪知囉。」
 
「咁就要睇下我嗰日瞓醒會唔會懶得郁先喇~」