《足印》-從幼稚園開始，對你的心意原來一直是愛情-: 41
到達紅磡火車站之時，夕陽已然西下，天色漸變暗淡。
於關口入境過後，我也慢慢走向車站準備乘車回家。
可是我的運氣不太好…與演唱會結束的時間撞個正着，大量人流正從紅磡體育館中不斷走出、絡繹不絕。
阿柔你…也在這人流之中嗎？
「咦，阿天？」…誰？
我回頭一看，竟看到阿峰，還有他旁邊的…
一位婦人？
「峰，你朋友啊？」婦人說。
「係啊，媽。等我一陣。」阿峰笑著回應婦人後，便回頭對我說：「咁啱嘅，你都嚟睇五月天啊？」
…媽？
我先是呆了一呆，隨即反應過來：「喔…唔係啊，我咁啱經過啫。你啱啱同阿媽睇完演唱會嚟？」…不是跟阿柔嗎？
「係啊…」阿峰苦笑的探頭到我耳邊小聲說：「其實原本我買定兩張飛諗住約阿柔嚟睇架…點知俾佢拒絕咗，咁就唯有請阿媽嚟睇囉。」
「喔…」…拒絕了？
「好啦，唔講住喇。聽日返學見！」阿峰說著便跟他的母親一同離開了。
…阿峰說阿柔拒絕了他的邀請？那麼阿柔到底去哪了！？
思考著這個問題，心中的擔憂又開始湧現…
剛剛過關回港不久，往往要先等一段時間才能讓手機接上電訊商的服務。因此我馬上拿出手機，心急如焚的等著。
服務總算接上的一瞬間，我馬上便準備致電阿柔…
「嗡嗡嗡嗡嗡嗡嗡嗡…」手機突如其來的一輪震動把我嚇了一跳。
…誰傳了這麼多訊息？
未接來電
林芷柔 (3)
林芷柔：「對唔住啊！我瞓遲咗啊！唔係去咗玩啊！(`o´)」14：56
林芷柔：「我好似發高燒啊…˃ʍ˂」14：57
林芷柔：「你係咪嬲我啊…？(>_<;)」15：07
林芷柔：「我睇完醫生返到屋企喇！你到咗未啊？(・_・)」16：12
林芷柔：「我啱啱食咗藥，而家瞓一陣先！到咗話我聽啦！(>.<;)」16：13
林芷柔：「你應下我啦…對唔住啊…( ಠ_ಠ )」18：26
林芷柔：「唔好嬲我啦…Σ( ° △ °|||)」18：26
看到一行行的訊息，內心的擔憂總算是不翼而飛。
只是，心中卻萌生了一股愧疚感……
原來傻妹你沒有回覆我，是因為病倒了…
原來是我誤會你了…
可惡…在你發著高燒、捱著辛苦的時候生你的氣，我很差勁吧…
對不起…
……
至少…讓我給你一個小驚喜好了。
「叮噹~」
「嚟…搵邊位…？」隔著大門，隱約聽見阿柔的聲音從內面傳出。
「咔嚓」
阿柔看到站在門外的我，呆了一呆不懂反應。
「柔。」我走上前，輕輕抱住她。
「天仔…」她一邊說著，眼睛開始變得水汪汪的。
「傻妹，唔好喊啦。」我摸摸她的頭，微笑說：「聽話啦，喊就唔靚女架喇。」
「嗯……知喇…」可能因為我就在旁一直安慰著她的關係，凝聚在眼框的淚水總算開始慢慢止住。
「食咗嘢未啊？」說罷，我把一碗熱騰騰的粥遞到她面前：「我買咗粥畀你食啊，你最鍾意食嘅艇仔粥。」
「嘩…未食啊，多謝你喎！」阿柔總算回復笑容。
「唔好食咁急啊，慢慢食。」我笑說。
其實…要道謝的人應該是我。
因為看見你甜甜的笑容，我也釋懷了不少。
阿柔吃著熱粥的同時，我也坐在一旁吃著簡單的外賣臘味飯，同時告訴著她老爸的身體狀況，好讓她也可以放下心頭大石，不用過分擔心。
「對唔住啊…」吃到一半，阿柔突然道出一句。
「嗯？點解要道歉？」我問。
「我見你成個晏晝都冇覆我…以為你嬲咗我啊…」
「冇嬲你啊…你唔記得我冇買上網卡咩？冇數據點收到訊息啊傻妹。」我苦笑。
「啊…！係喎，我唔記得咗添…哈哈哈…」阿柔恍然大悟的傻笑著。
「冇嬲還冇嬲，」我輕輕的彈了她額頭一下：「你個傻妹成朝唔覆我，嚇死我。」
「哎呀呀~我未瞓醒呀嘛！」阿柔向我戚戚眉的說：「呵呵，你擔心我呢？」
「緊係擔心，萬一你有咩事我之後點算。」
阿柔一聽到我這句，兩頰馬上變得通紅。
我察覺到自己不自覺的口出狂言，馬上補充：「講…講夠未啊？趁熱食啦，傻妹…！」
「呃…嗯…！」阿柔說著也大口大口的吃著熱粥。
…時機還未成熟。
現在，只管先好好的照顧阿柔吧。
「身體見點啊？食咗藥有冇好啲啊？」
「一開始就好辛苦嘅，瞓到鬧鐘都完全聽唔到…」阿柔苦笑說，不過隨即舉起大拇指，回復一貫甜甜的笑容：「不過我食完藥之後有瞓咗個晏覺！好咗少少！」
「咁就好喇，今晚早啲瞓啊。」我笑說。
「係喇係喇，長‧氣‧佬！又當人哋係細路女！」阿柔鼓起臉腮，裝著生氣的說。
「唔係當你細路女，係關心你。」我輕力捏住阿柔的臉頰：「唔好嬲唔好嬲。」
「嘻嘻，我講笑咋！」阿柔用食指輕碰我的鼻尖，笑說：「你都變咗好多喎！」
「嗯…？你指啲咩？」我不明所以。
「講緊你嘅轉變啊傻佬~」阿柔伸著懶腰，笑說：「生活充實咗，人又體貼咗！」
「哈，係咩？」我淺笑。
「係啊，都話作為旁觀者，有啲嘢係會睇得清楚啲架咯~」
「咁樣慢慢作出轉變，的確令我自己嘅人生充實咗好多。」我如實說出自己的感覺。
「哎呀呀…估唔到會從你口中聽到呢啲說話呢~」阿柔甜笑的說。
「因為我唔作出轉變係唔得架。」我說。
「呵呵，點解唔變唔得呢？」阿柔把頭伸到我面前，笑問。
因為我要好好裝備自己，繼續充實自己的人生。
因為你是我努力奮鬥的目標。
因為…
我想追求你。
「因為…」我招一招手，示意阿柔把耳朵靠近我嘴邊。