細公司，閪公司: 第四回 一個鍾就差唔多

第二日, 我好似之前同事講咁, 唔咁早返工司, 朝9晚6既工, 我10點先返到去, 但竟然仲未開門...

「又話10點返到黎就有人開門既。」我心諗, 唉, 又要罰企唔知幾耐。

結果我係面口又等多15分鐘呀WING姐先返黎開門入到去。

大約11點其他同事先陸續返到, 睇黎我個返工時間仲可以再遲少少...但係咁樣老世真係唔介意?







「拿呀TIM, 一陣有D貨辦會到, 我教你個流程要點處理先。」
「拿首先呢, 你就要整張卡, 張卡就掛係個貨辦上面, 張卡上面你就跟呢個EXCEL 表個格式黎做, 呢個貨辦係點既樣, 有咩資料個D全部係晒呢個FOLDER 入面。咁你掛左上去之後你就拎D辦俾我睇, 我睇完之後無問題啦, 你就下午幫我拎去俾個客睇。」

「喔...好呀, 但係要拎去邊到?」

「放心啦, 好近架咋, 你搭地鐵去到荔支角, 之後搵個棟咩..呀SANDY 你記唔記得係邊棟大廈?」

「荔枝角紗廠呀, 得啦, 我今日下午得閒, 我帶呀TIM 你過去啦。」

「嘩~SANDY 姐自己想蛇出去咋掛~」MAX哥係位大聲講。





「你地都無貨出, 我已家邊有SHIPPING 做呀。」SANDY 望住MAX講。

「咁得啦, SANDY 你今日下午帶呀TIM出去啦, 順便俾埋收貨辦果個人既電話呀TIM。

「得啦~食埋個飯返黎先搞都未遲。」

到左大約12點半, 順豐終於張BRIAN 要果D貨辦送到上黎, 我按BRIAN 所講, 將D卡掛落貨辦上面, 然後一次過交晒俾佢。結果佢睇左大約15分鐘到就同我講D辦無問題可以拎俾客人睇。

「一陣老世同佢個女返黎個陣, 你記得同呀姐姐講要出去, 可能佢會有其他野要你順便幫佢做。」WING 姐提我個陣, 好用力咁強調「順便」呢兩隻字。





「下, 通常好有D咩要我做?」

「唔定架, 不過我肯定唔方係好野。」

「我都估係....」

 到下午, 係我想執齊貨辦出去個陣, 老世同佢個女剛剛返到, 我就即刻同佢地講:「我一陣要拎貨辦出去, 你地有無野要我出去順便搞?」

「啊! 你等多我一陣, 好快好快!」老世個女好似有好緊急既事要我處理, 如是者我係公司坐多大約半個鍾之後, 老世個女拎住個信封行埋黎講「呢到有幾封信, 麻煩你一陣出去順便幫我寄埋出去。」

「喔, 好, 無問題。」

當時天真既我仲以為佢要我順便做既事只係寄信呢D輕鬆野, 但估唔到往後既日子入面, 「順便」係幾咁麻煩既一件事....






「TIM你係唔係行得啦?」

「喔係呀。」之後我就跟住SANDY 離開公司搭地鐵去個客個到。

「之後你會有好多機會黎呢到, 你預返來回大約1個鐘左右啦, 唔包你姐姐個D 野喎。」

咁又幾好WO, 可以蛇出去外面唔駛座係OFFICE唔知做咩。

「不過咁呀TIM, 其實你真係唔駛著得太FORMAL, 你住件T恤返黎都無所謂, 你睇BRIAN 同MAX佢兩個, 都係著T恤牛仔褲。」

其實我已經覺得自己著得唔FORMAL, 我今日都係著左一件恤衫+牛仔褲姐...