韓劇《梨泰院class》劇評

ITAEWON class 梨泰院class

 愛的迫降後火爆的韓劇，改編漫畫，故事描述不了，老實說未至於好神，但確係好劇。好多人好中意因為PSJ靚仔，題材夠反常，女主反社會人格有仇報仇大膽愛咁獨特既人設吸引，故事內容亦新穎。好既大家都知，世路既復仇之路係積極正面熱血既，由一個負分人士(被退學，有案底)到社會上流，靠既全部自己，同身邊一位位被感染既伙伴。真誠待人未必成功，但身邊人定會以真誠回報。


 美學上無乜特別，我諗韓國人會多d感覺因為佢將梨泰院既好放晒出黎。較特別係呢套劇好多正面拍佢地跑既鏡頭，通常跑既景係會較側拍等佢多d動感，但跑係套劇主題，所以較著重跑時人物心態。跑係不回頭，不留餘地，同佢地人生一樣勇往直前，並肩而行。


 可能因為改編，有d人設轉變模糊，副線交代亦不太足，前段劇情緊湊，然而尾段開始有疲態，跟不上節奏。先講劇情，前段交代背景同如何將甜栗一步步進步好好睇好熱血。即使無愛情線仍然會是好劇。但到張根原入獄後其實故事可以收尾，之後故事拖得有d長，已成功後遭到暗算果d對主題無乜幫助。






 愛情線上我較主觀，是秀娥派，人設較貼地。一個生活無憂贏在起跑點既人，可以無條件愛人。相反從小被拋棄乜都無既孤兒，儘管愛，亦唔可能拋下所有好不容易得到既。用15年去等男人成功，一直以來收集罪證，雖然女主係好幫手，但秀娥係比純愛情更有家人般既存在。模糊一點係既然想長家衰，點解世路有起色同自己有能力後唔走？最尾都在糾結既點不明，成段感情好可惜，亦遺憾。因為女主一直在贏，如果最後世路揀秀娥，或者兩個都唔揀，都會更貼合“感情不能勉強”既主題。


 最怪人設張根秀，由關愛友好既男孩到連老豆死都無感情既轉變突然。前一集仲係為家醜內疚後一集就無情到咁lol最尾解釋模糊，亦帶出副線太多而不能交代清楚既小毛病。劇中除了主角心路歷程詳盡，其他人物較粗略帶過，其實可以一係就唔好講咁多人物轉變。變性人好好，由難以接受到被接納，世路既一段話亦好有意義。但最尾被公開後仍然贏比賽，公眾反應完全無交代，所以你可以唔理人點睇，但觀眾反而欣賞你呢d結果先完滿。仲有個黑人奶奶完全係漫畫改編bug，成單野同故事無關又輕輕帶過，相認完全無感，其實可以省略，反而種族歧視更值得講詳細d。


 不過總體而言係一套好戲，好新鮮，ost好完美，熱血時完全想跟住跑埋一份，復仇時既鼓聲放大激動感。帶出好多社會現象，貧富差距。亦好有正面積極既形象，整套戲都在打壓眨低錯誤既價值觀，亦無意將之合理化，黑白分明既概念貫穿全劇包括人物信念。