A0情聖愛情事件簿: 第一章, 我的軟飯王兄弟·傳聲人

［傲一視角］

「第七十八個喇...已經係第七十八個雙藍剔喇...你話佢係唔係真係咁絕情啊！」-興雅

佢哋分開咗兩個月...三個月...六個月...十個月...足足一年

中間大部份時間都係由我傳話，我都已經好攰，無論係我去旅行、食緊飯定係出緊街，興雅都會WhatsApp 我，九成九嘅Message都係「進言乜乜77」咁，我真係好心累。

我由對兩個朋友分手感到替進言鬆一口氣，到惋惜佢哋嘅感情話變就變，到我為興雅不停搵我而覺得疲憊同厭惡，又有時俾佢嘅說話打動，再次幫佢。





一次又一次...一次又一次....

「幫我叫佢unblk!!」興雅message

「OK」我...

我就將呢一樣野原句copy 返send比進言

「喂！大佬你可唔可以分手分好啲啊！又搞我喇！」我





「咁你咪唔好理佢囉！」進言

「你知我點解唔可以唔理佢㗎！」我

睇到呢度係咪覺得我愛上咗興雅呢？

喺呢度我可以話你聽，唔係呀！

其實係我當時鍾意咗興雅嘅好朋友-思樂。南非前總統曼德拉講過；「要追一個女仔，首先要同佢最好嘅朋友打好關係。」





咁亦都導致左我進入左一個情義兩難全嘅局面。

經過我多次嘅開導同埋勸解，興雅依然都係放唔低進言。

「我想問你借少少錢。」進言

「借幾多啊？」興雅

「800蚊。」進言

「要嚟做咩啊？」興雅

「唔關你事！」進言

於是我又受興雅所托，問進言點解問佢借錢，得到嘅答案係「買嘢。」





因為佢一係唔還錢，一係就隔好耐先還，所以佢係我哋成班兄弟入面俾我哋笑係軟飯王。

隨住時間嘅推移，我漸漸將心機花少咗係佢哋呢一pair身上。