回望這年

"Welcome to the school's first assembly of the year"
都未聽完呢句,我個頭已經DUP曬, 準備與周公一聚.
"喂走啦 瞓瞓瞓岩岩先起身又瞓過,你都得㗎你" 呀信笑住對同我講.


我叫Ryan, 今年16歲, 係一個非常渴望離開香港去其他地方讀書嘅人後生仔,一離唔洗係香港考DSE咁大壓力,二離又唔洗日日對住阿爸阿媽,哦自己讀書,簡直一舉兩得! 無計,又懶又淨係識得玩 係香港呢d咁高壓嘅教育係生存唔到嘅,唯有離開,碌下碌下就黎左英國
岩岩叫我起身嘅係呀信,我係新學校裡的第一位朋友, 同佢混熟係因為九月一日見到佢都幾多野講,我呢世人就最怕人悶


"依加要去邊呀?" 瞓左成個早會嘅我當然對今日,迎新日後嘅第一個上課日嘅安排一無所知




"去拿時間表之後上堂啦" 呀信指一指班房然後跑左過去
"有錢派咩咁趕,上堂又唔係有金執"我心唸, 對我呢d懶蟲黎講當然上堂係每少一分鐘就越好, 最好就日日都打八號唔洗返學啦
 呀信欏住兩份時間表對左一對,"嘩...我地咁多科一樣都竟然無堂一齊上,我頂!"
"嘩咁咪姐係上堂要單機無得傾計玩? 實悶鬼死啦..."

"喂你知唔知ECON班房係邊呀?" 一把比較細個嘅女子聲音係我耳邊響起
"唔知喎都唔知D班房點編,你係第一堂上ECON?" 我充滿期待地問,"橫掂成級得果唔夠15個香港人,識多D人都好嘅" 我心唸
"係呀,你呢?"

呢個就係呀寶,比人嘅感覺傻傻地但總係好樂天,細細粒咁仲要彈下彈下十足十卡通人物咁!