香港都市傳說：一筒歸西: 彩蛋：一筒歸西 - 尚未結束（十二）

「你哋兩個冷靜啲先，我哋嚟咗呢邊咁耐都無事，我相信，至少呢度係安全嘅。」
 
阿軒的說話，令兩人稍為冷靜下來，但卻對現況沒有甚麼幫助。
 
「不如，我試下出去求救啦。」
 
哲瑋鼓起勇氣對二人說。
 
「你咪傻啦，頭先我哋喺度走咗咁耐叫咗咁耐都無人出嚟，啲人可能根本就見唔到我哋。」
 




「唔試下點知啫，今日茶座個老闆都帶到我哋過嚟啦，話唔定有辦法呢。」
 
「唔好提嗰個老闆啦，佢帶咗我哋嚟呢度之後就唔見咗，好哋哋咁大個人點會消失得咁快，話唔定佢都唔係人嚟。」
 
哲瑋和怡欣討論着時，他們聽到那位老闆的慘叫聲，從他們過來的小巷中響起。
 
「係，係老闆嘅叫聲？」
 
「點算呀？佢唔係出咗事嘛？」
 




「你又話佢唔係人嘅，唔係人嘅話我哋應該唔駛擔心啦。」
 
「話係咁話啫，但萬一佢其實係人，又救咗我哋，我哋見死不救咪好賤格。」
 
兩人猶豫之際，阿軒慢慢靠近慘叫聲的方向。
 
「等我去啦，係人係鬼都好，佢都幫過我哋，等我去啦，我唔會有事嘅。」
 
阿軒跟之前一樣，不知哪來的自信，好像認定自己有不死身一樣，竟想獨自前行。
 




但就在阿軒準備行動之際，老闆的聲音突然響起。
 
「唔好出嚟，任何情況都唔好走出去球場！等到天光就會無事！我哋唔會再畀佢害死更多嘅人！」
 
「阿軒，停啦，你出去都做唔到啲咩。」
 
「係囉，我哋喺度等啦，我諗等到天光就無事。」
 
就在兩人勸說阿軒之際，老闆的聲音再度響起。
 
只是，這次不是提醒的聲音，而是痛苦的呻吟聲。
 
阿軒無法繼續坐視不理，便獨自一人走了過去。
 
「點，點算呀依家？」




 
怡欣已經慌到不知怎麼辧。
 
「無辦法啦，我去搵阿軒，你留喺度。」
 
「吓？唔得，萬一你去咗返唔到嚟點算？我都要去。」
 
「唔得，你留喺度，萬一我同阿軒真係出事，至少要有個人話畀其他人知呢度發生嘅事。」
 
「唔得，我唔要，我一個人咩都做唔到，我唔想一個人，我唔想你死。」
 
哲瑋思考了一小會，知道再爭論下去沒有意義，只好跟怡欣一起離開這個尚算安全的地方。
 
大概他認為，即使發生甚麼事，也能夠再逃回來。
 




兩人晚了一步來到剛剛發出慘叫聲的地方，卻不見任何人影。
 
「阿軒，阿軒。」
 
兩人壓低聲線，深怕引來甚麼不詳之物。
 
「哲瑋，嗰邊。」
 
怡欣指向不遠處的轉角位，正是阿軒，但他好像聽不到兩人的叫喊，緩緩地向着某個方向前進。
 
兩人互看了一眼，便追了上去，任兩人另快腳步，卻始終追不上阿軒。
 
也不知道拐了多少個轉角，兩人在追趕的步伐突然停了下來，只因一股熟悉的海洋氣味慢慢傳來，而在不遠處的阿軒，已然站在沙灘的位置，那正正是一開始，三人逃離的沙灘。
 
兜兜轉轉的，三人又回到了最初的位置。