香港都市傳說：一筒歸西: （四十四）安映的危機（５）

「阿軒，我係正宇呀，你應該記得上次我借咗份功課畀你，之後被教授發現咗，我哋兩個死口唔認，之後成科被佢肥咗㗎。」
 
「收聲啦，呢啲求其講都撞中啦！我唔同呀，你仲記唔記得嗰次，我同你去咗怡欣屋企，我諗住走先等你兩個慢慢傾，點知你又唔醒目跟住我一齊走。」
 
「阿軒，一句講晒，Hall 7，青檸汁，你明嘅！」
 
「信我啦，我唔會好似佢哋咁講咁多理由，呢啲嘢，心照得啦。」
 
「阿軒！」
 




四個相同外貌，四把相同的聲音，從四個方向向阿軒襲來。
 
每當他們靠近一步，阿軒的頭便多痛一分，只因愈是靠近，愈能發現四人不管是外貌、行為舉止以及態度，都符合阿軒心目中正宇的形像。
 
看到阿軒無所適從的樣子，子鋒拍了拍他的肩膊。
 
「冷靜，呢度得你可以分到邊個係真正嘅佢。深呼吸，慢慢諗，如果佢行到埋嚟你都揀唔到，我會收拾殘局。你專心揀就得㗎啦。」
 
子鋒的說話就像強心針一樣，阿軒因緊張而發抖的身體立即靜了下來。
 




縱使周遭四人的聲音仍不絕於耳，阿軒卻無視了這些阻礙，把精神都集中到視覺上。縱使他們的話語多麼真實，縱使他們的外貌如此相似，縱使他們掌握了正宇的所有資料，能把正宇所有的東西重現，但一些習慣性的東西應該是難以模仿的。
 
阿軒集中精神觀察著，四個正宇也變得緊張起來，小心翼翼地靠近阿軒。
 
阿軒把四阿軒都望了個透，卻思毫看不出破綻。
 
在一翻爭扎後，阿軒靈機一動，在耳邊對子鋒悄悄說了一翻說話，子鋒點了點頭和應。
 
阿軒跟子鋒確認好後，從子鋒身上拿了把小刀，然後狠狠地刺在自己的腹部上。
 




這突如其來的動作，四個正宇雖然反應有先有慢，但都不約而同地跑向阿軒，並大喊著「無事吧」這等話語。
 
「原來係咁，四個都係假嘅。」
 
子鋒看到向阿軒跑來的正宇們，揮劍劈向四人；當劍身觸及他們的瞬間，他們便化為一縷輕煙。
 
四人消失後，子鋒把一道黃符貼在地上，桃木劍刺向黃符，原本萬里無垠的血紅之地漸漸扭曲，變成一般大廈的天台。
 
「好啦，起身啦，虧你諗到扮死呢招。」
 
本來還一臉痛苦，屈膝跪在地上的阿軒，突然像沒有事把站了起來。
 
「呢招我同佢哋幾個玩過一次，當時係得正宇悉破我係扮嘢嘅，估唔到會喺呢度用得著。」
 
「唔好講啦，過去扶起你朋友先啦。」




 
子鋒指了指天台角落處，阿軒便看到正宇平躺在那邊，看來沒有大礙。
 
「正宇，你點呀？」
 
「阿軒......我無事，安映呢？頭先個臭道士捉咗安映上嚟，我追到上嚟就暈咗，安映無事呀嘛？」
 
「我哋都係追到嚟呢度先搵到你，但係就唔見安映。不過你放心啦，我哋搵咗幫手，佢好犀利㗎，安映肯定無事。」
 
正宇抬頭看了看子鋒一眼，虛弱地抓住他的手腕。
 
「求下你，救下安映。個臭道士話要用佢嚟做咩祭品，你要救佢。」
 
子鋒拍了拍他的肩膀，然從袋裡拿出了一支有著奇怪顏色的水。
 




「嚟啦，你飲咗佢先，飲完就會慢慢恢復體力。我應承得幫你哋就會做到最後，依家要爭取時間，盡快去搵返你個安映，如果唔係個道士成功將個詛咒過落安映身上就麻煩。」
 
「但我哋去邊度搵個道士？」
 
「佢會帶我哋去。」
 
子鋒向上方指了一指，只見有一層薄薄的白煙在頭上纏繞著，貌似想離開卻又一直徘徊。
 
「呢個係個道士嘅法，頭先用嚟拖住我哋，但被我破咗之後就想走返去個道士度，依家啱啦，可以被我哋做路標。唔好講啦，我哋出發啦。」
 
「咪住，我另外兩個朋友呢？」
 
「係喎，差啲唔記得咗。」
 
阿軒扶著還處於虛弱狀態的正宇，跟著子鋒走了數層，然後看到怡欣和哲瑋兩人在後樓梯處一直在原地兜圈，臉上則露出驚恐的神情。




 
子鋒走到兩人面前，用力地拍了一下手掌，這一聲響把二人從驚恐的狀態中拉了回來。
 
「發......發生咩事？咦，正宇？你無事啦？」
 
怡欣和哲瑋從失神的狀態中清醒過來，向子鋒表示剛剛在「走失」後，面對了很多怪異的現象，幸好有天命叔給他們的符咒才至於出甚麼意外。
 
子鋒看了看天命叔給予兩人的符咒，便搖了搖頭。
 
「陣間你哋唔好跟嚟啦，我保唔住你哋咁多人。阿軒你跟住我去搵安映，其他人上返去安映屋企睇實佢阿哥。呢度有啲黃符，上到去照住呢本簿寫嘅嘢去貼就得㗎啦。」
 
「唔得，我都要去。」
 
怡欣和哲瑋對於未能跟著子鋒並沒有意見，但正宇卻不想安靜待著。
 




到底子鋒會不會帶著正宇前行呢？