家姐的底底誤我終身: 第六十三章 打風了

直至我行出間舖，好彩都無撞到啊仁。

我變返正常裝束後就過去同啊仁會面，啊仁早已經企左係接待門口，左望望右望望咁等我。

“點啊你，有無諗到啲好橋氹返靜紅啊。”啊仁一見到我就咁問。

“er。。。無。。。”

“船到橋頭？”



“。。。”

我地邊行邊講，好快就已經黎到間房出面。一打開門，家姐仍然坐係我頭先離開時既位置。

“家姐。。。”我開口叫左聲。

“對唔住啊靜紅，我自把自為咁約埋啊輝過黎。”啊仁接住我尾，馬上道個歉。

家姐無出聲。



我知道家姐無出聲並唔係因為嬲左啊仁，而係因為唔知點樣做戲，唔知點扮頭先並無見到我。

“家姐，我真係知錯，可唔可以原諒我啊。”其實我都唔係太識做戲，唯有重覆頭先同家姐講過既說話。

“嗯。”家姐係到挑弄枱面既食物，細細聲咁應左一下。

啊仁同我打一打眼色，露出欣慰既微笑。然後我地兩個分別坐係家姐既左右兩側。

有個外人係到，搞到我唔係太知應該同家姐講咩好。家姐就更加唔出聲。所以成場既氣氛都好尷尬，得啊仁自己係到搵野講，就連歌，都係得佢自己係到唱。



“我同啊輝再拎啲野食返黎。”唔知係咪頂唔順個氣氛，啊仁講完後，又拉左我同佢出去拎野食。

大佬，已經成枱都係食物。

“喂，點搞啊，唱下歌，出下聲啦。”一出到門口，啊仁就對我埋怨。

我心諗：“唔係你阻住晒，我同家姐係廁所撻翻著添啦。”不過心諗還心諗，我其實係好感激啊仁，佢真係一個大好人。

“喂，八號喎。”

“反正聽日星期日。”

“怕咩，直頭留係到唔走啦。”

踏入自助餐區，裏面啲人比平時傾談得更為熱烈。原來岩岩出左新聞，話天文台就快會懸掛八號風球，預料黎緊會有狂風大雨。



呢啲咁好既話題，我地馬上返入房同家姐分享。

我同家姐就好似和平分手既情人咁，雖然家姐已經無唔睬我，我同佢講野佢都會答，但感覺同以前差好遠。不過唔緊要，一步一步黎。

對於將要掛八號風球，我地三個都一致認為返歸算鳩數。一黎安全問題，二黎氣氛真係好唔掂。

其實我地黎左只不過係差唔多一個鐘左右，到我地衣家走返出黎，個天已經陰陰沉沉，有啲風。啊仁理所當然咁要送家姐返屋企，面對呢個情況，我當然亦都唔可以執輸，我都送埋一份。

到我地落車行去家姐屋企既候，個風終於黎料。伴隨住啲風，開始落起雨粉，之後仲越落越大。

我地三個走避不及，不過見就快到目的地，無計，唯有硬住頭皮咁行埋落去。

好快，我地三個都濕撚晒，我同啊仁就唔驚既。係家姐驚啲。家姐件白T濕晒之後，佢入面件粉紅色胸圍已經顯露晒出黎。



望住濕住身，不斷撥弄頭髮既家姐，再加上若隱若現既bar，我下面開始有感覺既同時，亦都好怕家姐俾人望蝕晒。

而啊仁，雖然佢係一個老實既好人，但佢都係一個男人，佢同我一樣，望到入晒迷。

有美景欣賞，時間過得特別快，我地終於黎到家姐屋企樓下。而衣家啲風雨，就變得更大。

“都話左唔駛送架啦，你地衣家都唔知點算啦。”家姐雙手抱胸，擋住自己既醜態。

“唔緊要啦，最緊要家姐你安全返到。”我即刻賣個口乖。

“係啊，我地男人老狗，無所謂啦。”啊仁接住講。

家姐“哼”左一聲之後，然後轉身講：“跟我上去啦，換件衫，拎把傘。”

家姐講完就照直走入大堂，都唔聽我地既意見。既然係咁，我同啊仁就卻之不恭。對望一眼後，就跟左家姐入去。