家姐的底底誤我終身: 第五十七章 四年後的今日

人生無常，無人可以保証有永遠既幸福。

我同家姐既關係亦都一樣。

我地渡過左三年幸福美滿既生活之後，因為發生左啲事，令到我地分開左，至今，已經差唔多半年。

果三年既時光，係我人生最幸福既回憶。而分開既呢半年，同樣係我最痛苦既回憶。

最幸福同最痛苦既回憶，我都俾晒家姐。



今日，我一如以往咁睇家姐係社交平台既貼文。同以往唔同既係，今日家姐轉左頭像，係一張同男人既合照，我好心痛。

“唉。”我癱係張牀到，嘆左一啖氣。

我衣家住緊既呢間屋，當然唔係最初既果間。呢間屋係我搵到錢後租既，諗住係到同家姐開展新生活。但亦都因為咁，俾家姐發現左我既工作，而令到我地斷斷續續嗌左幾次交，最後仲分開埋。

咁究竟係咩工作呢？三個字，倫敦金。無錯，我靠呢份工賺左唔少錢，但亦都蝕左個家姐。

自從俾家姐發現我做倫敦金呃人之後，我地嘈左好多次交。簡單黎講，善良既家姐唔想我呃人，要我辭職。而我就財迷心竅，自己學歷低又無一技之長，唔想放棄賺大錢既機會。



就係咁樣，家姐搬走左，去同佢同事一齊合租。

家姐已經唔再係學生妹。當年佢考完DSE後無再讀書，而係去左做普通文職工作，轉左幾次工後，黎到中環做OL。同佢合租既，就係衣家份工既同事。

而我，做左幾單大野之後，最近已經辭左職無做倫敦金，諗住可以藉此慢慢改善我同家姐既關係。

但家姐疑似拍拖既舉動，令到我唔可以再慢慢，必須係今日做啲野。

我嘆完果口氣，馬上拎出手機，whatsapp家姐。



“家姐，今晚食飯？我有啲重要野想同你講。”

衣家五點幾，仲係返工時間。家姐隔左好耐先覆我：“咩事？我今晚約左人。”望住文字都感受到家姐既冷淡。

雖然我地嗌左大交，但係我既努力下，家姐由唔同我計傾變到肯應我兩句。原本諗住辭埋職後再氹下家姐，家姐好快就會返黎我身邊。點知衣家似乎會殺出一隻程咬金。

“無。。。其實我最近已經無做啦，仲諗住親口同你講添。。。”

“係咩？咁咪好囉。”

望住文字都感受到家姐既冷淡，我個心揪左一揪
家姐可唔可以唔好再咁冷淡對我。。。

屌你老母倫敦金！我寧願唔要錢，俾返個家姐我啊！直至衣家家姐疑似拍拖，我先開始識驚。