家姐的底底誤我終身: 第十五章 開展人生新一頁

以下會將youtuber全部改為whytuber，因為我唔熟要成為youtuber既細節設定(咩要至少幾千訂閱，又點擊量要幾多先得又盛)，架空一個出黎方便啲。

－－－－－－－－－－－－－－－－－－－－－

著名既whytuber，熊仔頭先生曾經講過“無人話你唔得！係你自己話自己唔得！”

我得啊，我真係得。但得我一個得係無用。正如熊仔頭韌叻，身邊都要有個藍仔頭。

我需要家姐幫我，無家姐上鏡，我直播切柒都無人睇。



我見家姐仲係到猶疑咁既樣，我只能用更為理性既方法同佢講。畢竟，咩成績都無，係咁叫人信你，信你老味咩。

“唔駛驚喎家姐，反正我地衣家已經無野輸，你俾我試下。三個月，三個月都係唔得，我即刻腳踏實地，搵一份穩定既工。”我拉住家姐去沙發到坐低，以便促膝長談。

“好啦，既然你都講到咁，無理由仲係唔支持你。”

“好野！”

“但究竟我要做咩，要露樣上whytube？”好明顯，呢點係家姐最擔心既野。



“係啊。。。呢樣可能要委屈家姐你，啲片唔得都話，一但得左，分分鐘一半香港人都認得你。”係拍之前，我要將真相同家姐講清楚。

“咁片既內容係。。。？”

“姐弟相處既生活片段，帶點親密既。”

“下，點親密法。”

“或者第一條片就拍我地互相為對方按摩舒壓，為左吸引點擊，我可能會掂下你patpat啊，扮唔覺意掃到你胸之類。。。”我有啲尷尬咁講。



“下。。。有無著衫？咁咪好似男女朋友咁？點得啊。”

“痴咩你，無著衫點出街啊，係一啲好正常既按摩，幾個月前我咪幫你按過摩既，同果次差唔多。唔同既只係會放上網俾人睇姐。”

“如果係咁樣都ok既，但要放上網俾人睇到晒。。。”

我都知咁樣委屈左家姐，畢竟佢咁靚，佢仲要出去見人。唔似我，宅男一個，無麥社交。不過利申先，我係助佐型毒撚，外型同樣都係中上。

“啊，不如咁啦，你幫我個樣打格。咁我就幫你啦。”家姐諗出條妙計。

打格好啊，打左格幻想空間大左，然後又可以話到唔知幾多訂閱就露樣。妙計！

“打格就ok？但衣家啲起底技術好西利，我怕最後都會俾人知道。”我幫家姐打定心理準備。

“到時真係俾人認到就由佢啦，你家姐又唔係唔見得光。”



“但家姐你唔怕俾人指指點點咩。”我搞咩，好似不斷勸退家姐咁。

“學你話齋，無野驚啦我地都，咁大筆數要還。。。係香港真係搵錢最實際，如果拍下生活片段就賺到錢，我覺得都幾唔錯！不過細佬，我要正經同你講，你啲片唔可以做到好似果日咁，太親密。”家姐忽然一本正經。

我知家姐指既果日係邊日。

“知道！放心家姐，片入面都係假既，有晒劇本，只會係啲好普通帶少少親密既畫面！

終於同家姐傾掂數！我坐言起行，馬上準備正式成為whytuber！