(重口味甜故)人妻食用手冊: 第三回 布局

第三回

亞Cat玩野呀,
北海道旅行相,
D人狗虱柒咁細粒,
重要戴晒黑超包到隻糭咁.
睇乜呀.

[小姐,我未開寫輸眼喎...]



[寫輸眼?乜野呢架?]

[.....我對眼未有透視放大功能睇唔到妳個靚樣.]

[嗱,我比咗相架啦,你睇唔到係你嘅問題.]

[唔係咁無賴呀.]

[女人係咁架啦.]
頂佢呀真係想爆粗,


不過唔怕,想睇樣方法多的是.

[咁無法啦,其實做朋友都唔應該以貌取人,等妳覺得OK又想比我睇時再睇啦.]
佢聽我講完呢句無耐就send咗幾張係函館影嘅大頭相.
呢D正常好多,起碼見到五觀先啦.
果然以退為進先係上策.

等我放大小小再睇真D先, 
依OK喎,係我鍾意嗰type,
眼大大,下巴尖尖,笑起上呢重有個酒凹,


幾清秀幾有女人味.
(無假想圖,請自行腦補完)

正當我想睇多幾眼時,
亞Cat已經好快手收返D相...
吊....我都唔明D女人諗乜?

條條女都係咁,
send完相比人之後就秒刪.
比得咁鬼鼠就唔好比啦,
都唔知驚乜?

最攪笑係,
D女人好似唔知有capture screen呢樣野?
要留底有幾難呀,


一早cap定啦....
不過官圖無限好,都係要睇過真人先見真章.

[點呀,個樣係唔係好殘呀?]

[嘩,妳D乜野標準呢架,咁靚女都叫殘?咁好多女人咪要係IFC排隊跳落呢.]

[哈哈,口花.]

[唔口花妳地D女人咪又話悶...]

[係架,女人係咁煩架,哈哈.]

既然大家個樣都過咗關,
咁係唔係代表可以即刻約女出呢?



睇人啦,有D女真係得架,
試過今日識第二日就出呢見都有.

可惜亞Cat唔係呢類人,無法只好繼續同佢拉鋸,
只要佢一日有回應一日都有機會.

可能你會話,唔L係呀,傾咗咁耐點會無啦啦唔應人呀?
唔好意思,
玩交友app D女真係會無緣無故唔見咗人.

至於乜野緣因,
咪又係女少男多囉.

D女日日都有人add,


只要有新仔氹得佢開心,
又或者佢開始覺得你悶,
咁你就好自然被邊緣化架啦.

巴打們,呢D又係玩app必經階段,
試多幾次就慣架啦.

所以每日都要keep住吹水,
又要搵話題保持新鮮感,
間唔中重要講下笑話,
其實真係幾攰下.
大佬,你估個個男人都係黃子華咩.

無法啦想食好野係要付出代價,
唔想煩咪比錢叫雞囉,


你比得起大把女服侍添.

講開又講,有幾隻交友app又真係特別小男人搵食,
可能因為要收錢,
香港D男士真係好L燶....

傾到咁上下係時候開始用D引導性問題套下佢.
[亞Cat,妳點解會玩app?]

[無聊囉.]
唉...又係呢D標準答案.

[咁你呢?點解玩交友app?]
咁梗係溝女啦唔通傳教咩,
但係有時坦白可能有意想不到效果.

[如果我話只係搵人傾計你信唔信?]

[唔信...]

[唔怕同妳講,我想搵SL.]

[算你老實.]

[對住妳有乜好呃.]

[哈哈...呃蝦條囉.]
shit…..

[當然唔係啦,我似D咁嘅人咩?]

[唔知架,網上D人唔可以盡信,男人為咗呃蝦條乜都up得出架.]

[例如?]

[扮情傷搏同情囉,個個都話老婆對佢唔好,又話已經成年無做過.]
仆街!!!……我全部都講過喎,
唔通佢開始懷疑我?
但係又唔似喎,
可能係套我啫,
等我呢一招釜底抽薪.

[咁我似唔似妳講嗰類人?]

[你....唔似,嗰D人無乜耐性,幾日就現形.]
你睇,都話要比D耐性架啦,放長線先可以釣大魚架嗎.

[嗰D男人好直接,傾無耐就問有無興趣做SP,好煩.]

[玩app D男人係咁架啦,個個都係想食快餐.]

[你有無諗過搵個SP?]

[SP我無興趣,我唔係要性.]
其實唔係無,
係D女搵得SP嘅一係就好饑渴嘅肥婆,
一係就要求多多串過馬撚又以為自己係女神嗰D,
邊有人妻咁正咁好玩.

[性你都無興趣?你係唔係唔得呀.....哈哈?]
唔得??遲D妳就知....

[當然唔係唔得啦,其實係我好想搵返拍拖嘅感覺,好想再感受下被人拖住手嘅喜悅.]
嘩...幾L感性呀,妳重唔死係我手上.

[你唔怕咩?]

[怕乜?怕比人知?]

[嗯...]

[怕架,所以要好小心咁搵一個同我一樣想法嘅人.]

[乜野想法?]

[偷食都要偷得高明,愛得太深好易沉船,無愛又搵唔到拍拖嘅感覺,要恰到好處.]

[咁好難喎.]

[我知,睇緣份啦.]

[亞安,你覺得我點呀?]
睇呢姣婆守唔到寡啦....

[妳?好好呀,人又靚,又叻.]

[你有無諗過同我...]

[我話無妳都唔信啦,同妳都幾夾幾好傾,但係我當妳係朋友,我怕一開口就會連朋友都無得做.]

[其實我都覺得同你幾啱Key.]

[哈哈,好兄弟!!]

[亞安,不如...我地試下做好SL囉.]

[Are you sure?]

[嗯.]
成個月嘅時間無白費到.
終於入正題.

嗱!!唔好諗住可以即刻去爆房呀,
唔撚係呀,都講明做SL重唔去爆房?

又無聽書啦,都話食人妻唔可以咁心急囉,
一心急露出破綻就無得食呀啦.

佢都講明肯做SL,
只要比多少少耐性等佢原全放下戒心.
到時你想點食都得啦.

哈....哈....哈....