「如果在我讀書期間分手，等我回來重新追求你好嗎？」: ［阿宇］賣豬仔

整個聖誕，我們都因為功課和接下來的考試疲於奔命，我和嘉敏的話題都圍繞在學業上，只是對比起初多了一份熟悉感和曖昧。

很可惜的是，因為假期，我們大部分時間都只能隔著螢幕聊天，甚少有面對面的來往。

「你有冇之前派嗰份通識佳作？」

嘉敏：通識佳作.jpg

「又有你？寫咁少都佳作。」





嘉敏：「係啊，我寫得慢，唉不過我第二題10分得2分。（笑喊）」

「你寫字咁慢點讀歷史啊？（驚訝）」

嘉敏：「所以呢，通常寫論文左右都會留邊，睇落多字啲。（遮眼）」

「嘩！學到野喎！（笑喊）」

「但你溫成點？」





嘉敏：「溫緊辛亥革命，五四運動⋯⋯仲有日本史未溫呀！（喊）」

「仲有咁多啊？但係好夜啦喎，你幾點訓呀？」

嘉敏：「溫完咪訓囉，我係屋企夜晚先溫到書㗎⋯⋯（喊）」

「陪多你一陣啦！我隻眼開始有啲痛啦⋯⋯」

嘉敏：「咁你唔好陪我啦，快啲訓。」





「但係我想陪你多過訓教。」

嘉敏：「我都想同你傾計多過溫書。」

嘉敏總是突然冒出一些令人怦然心跳的說話，讓人難以招架。

「哎呀！掛住我啦？睇黎我level終於高過你本書啦喎！」

嘉敏：「諗多左啦你，我本身就唔鍾意讀書。（笑喊）」

「唉，白開心一場，原來我只係脫離左你唔鍾意果part⋯⋯」

嘉敏：「都唔係既，你比一般人都高級。（遮眼）」

「咁如果同男神比呢？」





嘉敏：「唔知呀，你自己估下啦！（遮眼）」

真不知道嘉敏是傲嬌還是容易害羞，直接抒情後又立刻收斂，讓人以為好像一切都是錯覺。但唯一可肯定的是，她對我的好感有增無減。

好不容易熬到假期和考試結束，終於可以和嘉敏來一些深情互動。不料，午膳時間嘉敏竟被肥龍、曦哥和悠悠一群人圍著，霸佔了我的女神。

肥龍雖然名為「肥」龍，但實際上並不是二百磅頂天立地的大胖子，畢竟沒人會忍心叫一個真正的胖子作胖子，他只是比一般人更圓了些。加上他的眉毛稀疏，眼睛小而垂，配上混亂的牙齒，看起來有說不出的幽默感和滑稽。事實上也經常想到奇怪的點子，這樣反而讓他在班上很有人緣。

而曦哥的頭殼特別大，富有「大頭」的稱號，聽說頭大的人特別聰明，但其實他不只頭大，連手掌腳掌和鼻子也比一般人大。偶爾有點小聰明，說起話來特別一針見血，有時候特別容易令人不爽。但由於和肥龍是難兄難弟的關係，受肥龍影響，曦哥的性格也逐漸歪掉，雙劍合璧時，總出現許多笑料。

悠悠是嘉敏的好朋友之一，雖然身形龐大，但長相不俗，眉清目秀，五官精緻，只要瘦了下來，必定也是女神一個，只可以說她絕對是潛力股。重點是，她就是我和嘉敏交往的最後一度關卡，就我所知嘉敏必定會向悠悠尋求意見。因此，我得出的結論是要追到女神，便必須要先賄賂悠悠。

回歸現場，他們一群人吵吵鬧鬧的，我馬上嗅到了八卦的氣味，坐在一旁把耳朵張開，偷聽他們說話。





肥龍歪著嘴，瞇著小眼睛，奸笑道：「嘿嘿，嘉敏，你啱先偷睇子浩打排球個樣，流曬口水，成個花痴咁。」

曦哥也在一旁附和，學著肥龍，勾起嘴角，故意大聲一點，一臉奸樣地說：「你係咪鍾意子浩呀？」

嘉敏的眼神瞟了過來，目光一慎，尷尬地說：「唔係呀！男神同鍾意係唔一樣㗎！」

聽到這裡，其實我一直都很介意她所謂的男神。我走過去，雙手撐著桌子，彎腰看著她，說：「嗯？你鍾意邊個話？」

嘉敏的臉瞬間漲紅，揮揮手說：「喂呀，冇呀，好熱，唔好圍住我啦！」

顯然是沒人理她，嘉敏見場上唯一的好朋友悠悠也一臉想看好戲的樣子，只好說：「雖然我好迷戀佢既外貌，但係男神都係可遠觀而不可褻玩㗎。萬一了解左佢，我就冇左個男神⋯⋯」

悠悠馬上接話說：「咁阿宇同子浩你揀邊個？」

嘉敏被逼得無路可退，她認命地閉上了眼睛，避開我的視線，聲音顫抖地說：「阿⋯⋯阿宇呀，得未啊？」





悠悠滿意地示意肥龍和曦哥離開，留下我和嘉敏獨處，他們離開時還帶著奸狡的表情，非常欠揍。

我皺著眉看了看他們，對嘉敏說：「其實好多人都估到我鍾意你⋯⋯」

嘉敏好像有點生氣，抱著手，撇開臉說：「係咩？你唔講我以為你鍾意阿怡。」

看到嘉敏的反應，我笑了笑說：「係咩？咁我扮得幾似呀，但悠悠同群姐一早估到。」

嘉敏瞪了瞪我說：「我廢事自作多情嘛⋯⋯」

叮咚叮咚，叮咚叮咚，被他們仨一個助攻，快要脫口而出的告白，被鐘聲打斷了。我懊惱地返回座位，只好尋找下一個時機。

晚上，我決定先通過悠悠這個關卡，和她來個線上面試。





「講！點先可以將嘉敏讓比我？」

悠悠：「好簡單姐嘛，佢對你都有好感，只係猶疑不決。」

「呢層我知，所以你就係個關鍵⋯⋯」

悠悠：「如果你請我食餐飯，話唔定我可以幫你美言幾句既～」

「殺你！幾貴我都請！」

悠悠：「不過你要保證，一定要對佢好，我先放心交比你。」

「唔洗擔心啦，我一定會照顧好佢。」

可憐的嘉敏就這樣被悠悠「賣豬仔」，用一頓飯就解決了。