「如果在我讀書期間分手，等我回來重新追求你好嗎？」: ［阿宇］早安、晚安

本來十點準時睡覺的我，這晚跟她聊了很久。我關了燈，一直保持警惕，留意著有沒有腳步聲，以免媽媽巡房時被發現。手機螢幕成為了黑夜中的一點光，一直聊到眼睛乾澀才捨得睡覺。

嘉敏：「係呢，你鍾意佢啲咩呀？」

「鍾意佢夠乖囉，跟住又靚女。」

嘉敏：「直接啲啦，咪又係鍾意佢靚女！」

「係啊，男仔就係咁㗎啦～」





嘉敏：「咁膚淺！不過我都覺得佢好靚女，嘿嘿。」

「咁你都好靚～」

嘉敏：「咁識講嘢（笑喊）」

「女仔通常鍾意咩類型既男仔架？」

嘉敏：「吓，個個都唔同㗎啵！我就鍾意溫柔、成熟既人，最緊要就係要對自己好！」





「點先算成熟同溫柔先？」

嘉敏：「會照顧你，默默為你做一啲嘢。」

嘉敏：「⋯⋯仲有唔講粗口。」

「粗口都唔講得，會唔會太過份啊？」

嘉敏：「咁唔鍾意就係唔鍾意㗎啦，朋友講就冇所謂嘅。」





「⋯⋯我訓啦，隻眼好痛。」

嘉敏：「好啦，早抖啦。」

「嗯，你都早啲訓啦，黑眼圈就黎大過你隻眼啦！」

嘉敏：「得啦得啦，byebye！」

「早抖。」

第二天

今天又有我最期待的通識課，可以坐在嘉敏的旁邊，近距離欣賞女神。不過現在關係非常複雜，一不小心就會露餡了。

老師最愛在通識課時，分組寫論文，每人都需要在短時間內寫好一個論點，然後再拼湊起來。這不僅是訓練腦筋，還講求手速，老實說挺有壓力的。





「阿怡，點啊你識唔識做？」為了完這個謊，我只好關心一下阿怡。

「我唔係好諗到point⋯⋯」阿怡明白我的意思，非常配合。

「你寫我果part啦，簡單啲。」我非常有風度地把較容易寫的部分讓給阿怡，其實心痛得很。

阿怡沖我甜甜地笑了一下，說：「好呀，咁好人嘅你！」

在我眼中，那只是一個得意洋洋的笑容。我偷偷瞄了一眼嘉敏，她正在面不改色地寫著，似乎沒有絲毫的懷疑，但也沒有絲毫的妒忌。

但我想了很久還沒下筆⋯⋯

「阿宇，你得唔得架？冇時間啦，洗唔洗我幫你？」嘉敏似乎不太相信我的實力，忍不住開口幫忙。





「唔洗唔洗，我諗到啦！」男人就是要面子，我當然不能讓嘉敏幫忙。

寫完論文，老師終於開始講書，不再虐待我們的腦袋和手指。我看著嘉敏由剛剛專注的樣子，到現在眼神開始變得空洞，呆呆的樣子正是打瞌睡的前奏。彷彿只要老師金口一開，就能把她催眠。

我把水瓶移到她的頭下，讓她睡得舒服一點。這個舉動卻把她驚醒了，看到是我便輕輕道了聲謝，繼續睡覺。看到她閉著眼睛，安安靜靜地睡覺，總覺得特別療癒。

這一睡便睡到了下課，我打從心底裡佩服她。偷偷寫了便條紙，貼在她的筆記上，提醒她溫習重點和今天的作業。愉快的通識課就這樣結束了。

晚上

嘉敏：「多謝你今日張便條呀，又會咁好既？」

這次是嘉敏第一次主動找我。

「見你訓左成堂，驚你跟唔上，咪幫下你囉～」





嘉敏：「嘿，你擔心自己好過啦，今日篇論文都諗咁耐。」

「我最後都寫到呀！」

嘉敏：「係啦，知你勁啦！溝女溝成點啊？」

「冇啊，佢今日終於主動搵我，好開心！」

嘉敏：「咁咪好囉～幫唔到你啲咩，sorry呀，我同佢唔係好熟。」

「唔緊要啦，而家進展咪幾好～」

「我訓先啦！早抖，聽日再傾？」





嘉敏：「好呀，早抖啦！」

外面那個母獅子似乎察覺到我的動靜，我趕快把手機收起來，假裝熟睡，然後就真的熟睡了。

不過幸運的是，自從這一天開始我們都會互道晚安，然後第二天由我來說早安，開啟一天的話題。