廢柴男愛上精英班女學生: 迎新日（上）

（阿軒角度）

「今日放晏晝喎，陣間食唔食晏丫？」我死黨阿誠問

「是但啦！」我講：「陣間先再算。」

阿誠係我識左好多年既兄弟，而且我係學校暫時只係認識佢一個人。

而家我哋係迎新日參加緊一個遊戲，個遊戲名叫奪寶，遊戲規則係有7個英文字母喺學校唔同角落，我哋要分組以最快嘅時間集齊，並將英文字排好，就為止完成遊戲。





「我哋中差邊幾隻字？」我好煩咁問阿誠

「我地而家有3個字，分別有[W] [c]同［e] ,好心你份人專注啲，快啲搞掂埋佢咪收工囉。」

由細到大我冇乜特別中意做既，如果夾硬要講就只係得打波，而其他事我都盡量避免，記得之前睇過一套動漫，入面嘅主角講過「無用之事不做，必要之事從簡」呢一句係我最中意既座右銘，同時亦都好代表我。

「即係仲有4個字仲未找到la」我好唔耐煩咁講

「我地由學校六樓開始找，找到三樓，途中只係出現過三張英文字，即係好大機會每層一張？如果係咁第七張會係邊呢？」阿誠講





「會唔會係藍球場個度丫？」我答「定一話其中一層 有兩張呢？」

我地兩個不斷討論，就係我地討論期間有兩位女仔同我地擦身而過，而其中一個就係我地既女主角。

大家估下嗰七個英文字合埋係咩？