為了實現媽媽遺願，我成為了女校男生: 重回學校

飛機降落機場，我拖住行李，由姐夫陪伴之下返到我自己屋企。自從家姐嫁左之後，間屋就已經得我同雪凝兩個人住
 
今日一打開屋企門，有個bb行緊過黎
 
「虎…虎…」恐龍仔已經識行，仲識叫我做「虎」啦
 
「恐龍仔!!!!錫下舅父先」
 
「喂喂喂…你錫恐龍仔得架啦?唔洗理下家姐架?」
 


「點會唔理妳呀家姐」我好快錫左家姐一下
 
「阿風，洗唔洗去接雪凝放學?」姐夫微笑咁對住我講
 
 「我會架啦，一年黎辛苦哂你啦，又要湊仔，又要照顧家姐」
 
「唔止啦……你又做舅父啦」
 
「家姐?」
 


「今次係囡囡黎架」
 
我抱高恐龍仔「啊!!!恐龍仔做哥哥啦!!!」
 
「虎…虎…」
 
「好啦衰仔，接我個弟婦放學啦」
 
「渣返部車去啦」姐夫將車匙交俾我
 


我上返部車，慢慢開返到校門
 
企係佢課室門口又唔夠型喎……點好呢?呢個時候，有把聲音係我身後出現
 
「阿哥!」
 
「詩敏」
 
佢一見到我立即攬實我喊「我好掛住你呀!!!!!!!!」
 
「傻妹!!妳咪有阿熙囉」
 
「點同者!你先係我最愛果個，你永遠都係」
 
「傻妹」


 
佢嘟長個咀之後，我再錫多佢一次，之後我地拖住手行

「雪晴呢?」
 
「佢放左學，係媽咪到啦，佢呢個準物理治療師好努力讀書」
 
「契媽呢?」
 
「升左上神檯，冇乜點出獅哮功啦，而家係Helen姐姐繼承佢衣砵」
 
「唔……」我地兩兄妹，其實係小情侶係學校慢慢行