為了實現媽媽遺願，我成為了女校男生: 你問我答Vol.2 (3)

「唔…..我…會嫁俾佢嘅」

“嘩!!!!!!!!!!”
 
「點解呢點解唸?我地真係好想知道」
 
「大家睇佢傻傻地，冇日正常，其實佢好保護屋企人，好識照顧我。我上個月生日佢仲親自煮左一餐俾我食，佢會為我去學織頸巾，會為我改哂所有壞習慣」
 
「Jessie妳真係好幸福喎，咁妳有咩想同Anthony講架?」
 




「下?係呢到呀?」
 
「唔緊要啦，大家都好想聽嘅，係唔係呀?」
 
“係!!!!!!!!!!!”
 
「就當係婚禮嘅rehersal囉」
 
「唔….」我望實阿b
 




「多謝你阿b，係我咁平凡嘅人生中出現，為我…帶黎歡樂。唔……細個你成日都蝦我，整蠱我，但我知你係鍾意我先咁做。我知你每一次見到其他人有一個開開心心嘅屋企果時，你會不自然咁諗起過左身嘅爸爸媽媽，會擔心家姐做空姐辛唔辛苦，所以……我同我屋企會盡力俾家庭溫暖你，好多謝你一直照顧我地兩姊妹。你唔單止照顧我地兩姊妹，3年前你為左Jasmine可以唔怕俾人拉去勞教中心，去保護佢。你都好照顧我地班…應該係全校同學，有咩粗重野，隔離班同學做唔到你都幫佢地做埋，校工叔叔年紀大，你會主動幫佢換光管，Miss部車要換呔，你又會捉埋阿sir一齊幫手，所以…唔單止我，我地全校係呢年幾受到你照顧，好多謝你」
 
「咁Anthony呢?」
 
「唔…都係多謝雪凝啦，佢真係唔介意我以前點樣整蠱佢，我細個成日裝佢裙底，笑佢著Snoopy底褲架，呀，咁啱果陣我又係著Snoopy底褲嘅。妳唔介意我以前經常俾警察拉返警署，唔介意我俾人警司警誡。佢又唔介意我以前同Jasmine玩到咁癲咁痴線，佢又為我煮飯、陪我去做物理治療、又叫ba b幫我整返好我隻錶。係我壓力就爆煲果時好溫柔咁拉一拉我返黎，佢係一個滿分嘅女朋友。佢連我屋企都照顧埋，Jasmine F.1果陣闖左大禍又幫佢求情，又會幫我打掃屋企，所以……我一世都走唔出妳五指山。多謝妳。」
 
「嘩…妳地兩個真係好甜，不過我想知你果陣同Jasmine玩咩玩到咁癲」
 
「哦…佢呀…無啦啦同d大學生飲酒，玩true or dare…然後….對Jasmine做左件好轟動嘅事，我到今日仲笑緊佢地兩個」我講果時都忍唔住笑
 




「4A班Jasmine，請問妳哥哥果陣對妳做左d咩呀?」
 
「果陣呢，我激嬲左我媽咪，俾佢趕出屋企，我唯有去同佢兩姊弟一齊住，有一晚，佢飲左兩杯之後呢，拎起個西瓜一野車落我個頭到，好似戴頭盔咁，搞到我要去洗幾次頭囉，明明有其他野唔揀，佢偏係要揀西瓜，搞到大家冇得食，然後俾d大哥哥take到底褲都爛哂咁之嘛」
 
Jasmine真係非常樂意講返當年嘅笑料出黎
 
「咁Jasmine，妳哥哥仲有冇d野係好爆架?」
 
「佢呀!成日都要去大姐姐d房到玩架，但係人地又肯同佢玩呢下先好野，一個男仔同5至6個大姐姐玩得好開心，咸濕仔一名，又成日同D著比堅尼，身材超勁嘅姐姐同交流生去游水架」Jasmine講果時，阿b又諗返起當時情況，個樣超級咸濕
 
「Jessie，妳男朋友咁樣，妳仲會嫁俾佢呀?」
 
「佢應承左我地，以後都唔會再飲酒架啦」
 
「咁我係呢到，代表全體同學，祝妳地永遠咁甜甜蜜蜜啦」