為了實現媽媽遺願，我成為了女校男生: Joint school show(5)-楝篤笑雙打

「呀…同學們，係啦，唔好圍住怕羞仔先啦，係…放過佢啦下…暫時」
 
「係喎風哥呀」
 
「係，點呀?」
 
「有傳聞呢…你成日去搵Tiffany架喎」
 
我用手指指向台下
 




「冷靜冷靜，唔好誤會，唔係你以前個女朋友Tiffany，係賣首飾果間Tiffany」
 
「喂你想我死呀?」雪凝果下已經望住我奸笑加睥住我
 
「緋聞!!緋聞!!!俾枝咪Tiffany，幫幫手解釋」
 
「係呀，緋聞咋，不過佢送過我返屋企咁解之嘛，我地之間冇野架Jessie」
 
「好，完!!」
 




「咁你去Tiffany & co.做咩呢?」
 
「哦!睇下野者，冇咩特別架」
 
「咁冇咩特別，點解你又睇d鑽石戒指呢?你男人老狗戴鑽石戒指做乜呢?」
 
「咁你睇，唔代表要買架嘛，我成日去睇車啦，唔通睇親就要買咩?你夠成日經過建興啦，唔通又上去咩?」
 
「上…上去做咩先?」
 




「買羽毛球拍呀!你諗乜野呀?」
 
「哦…係呀?咁點解最近我見你有d租婚紗呀、影婚紗相攝影資料嘅?」
 
此話一出，全場尖叫
 
「其實呢，我對攝影都有研究嘅，拎d單張黎睇下學下野者」
 
「但你學攝影係對住個收費黎研究架咩?」
 
今次我就企係到唔識答佢
 
「呀風哥，飲下水先啦，你唔口乾架咩?」
 
「乾架，黎啦，埋去飲水先啦」




 
我又拎起雪凝隻杯，飲返同一位置
 
“Woo~~~~~~~”
 
「係咪呢?飲水之嘛，叫咩呢?而家夏天啦，冇叫春鳥架啦」
 
阿熙都口乾要飲一飲水，係時間燒到佢果筆架啦
 
「阿熙哥，近來，你好似飲得茶多，最近你愛上茶藝呀?」
 
「唔係，我好少飲茶架喎」
 
「但係我見你facebook呀、電話呀，有好多『張』相喎」
 




「有相好奇咩?你都有啦係咪呀?」
 
「但係你果幾『張』相呢，見你同d香片咁影架喎，放到同你自己好近咁喎，有時我見到都眼冤喎」我係到扮佢d動作出黎
 
「咁你飲茶都會將d茶放入口架嘛，唔通你搵個茶壺好似….呢…人地果d拉茶咁，80幾度水溫你拉茶咁倒入口呀?喂你做到你就唔係女校男生啦，你係馬戲團男生啦」
 
「哦，即你係咪好鍾意飲香片?」
 
「咁佢地又真係香d嘅」
 
「咁呀，你生日果時呢，我『張』Jasmine嘅相一『張』『張』咁送俾你好唔好呀?呀簡稱Jasmine張呀」
 
「關咩事呢喂」