為了實現媽媽遺願，我成為了女校男生: 詩敏的回憶(8)

「Miss孔…我認為…Jasmine係一時好奇，細路女剛入青春期係會反叛d，以老師角度，應該要俾教訓佢，以媽咪角度…可以俾次機會囡囡」
 
「我已經將呢個女趕左出屋企一個月，妳認為罰得夠唔夠?」
 
「夠啦Miss孔，佢應該會知錯架啦，而且妳仲用藤條打左佢一身，Jasmine快d同媽咪道歉啦」
 
「大師姐，Jasmine應承哂所有老師架啦，妳念在陀佢咁辛苦，念在Sally姐姐份上，妳原諒佢一次啦，佢日日上堂都專心唔到，妳以前做我班主任果幾年，我見住妳有幾唔開心，到妳陀住Jasmine果陣妳好小心先可以生到佢出黎，我地成班同學都當佢親生妹咁睇，妳就當俾個面子我地呢班學生，原諒我地個妹妹好嘛，我地成班教職員都簽哂名原諒佢架啦」
 
「Helen，妳講佢知當年我點教妳地，做錯事要點」
 




「Jasmine，妳媽咪當年教我地成班，做錯事要大聲道歉，承認自己做錯。認錯唔係男人專利」
 
「對唔住呀媽咪…我以後唔敢啦」
 
「大聲d，我聽唔到!!!」媽咪好大聲咁講，全校目光集中係我身上
 
「獅哮功呀Jasmine，妳係佢個女，妳一定識」Jessie姐姐細細聲係我耳邊講
 
我吸一口氣，用媽咪招牌嘅獅哮功
 




「對唔住呀媽咪!!!我以後都唔敢瞞住妳同男仔拍拖架啦!!!我求妳俾我返屋企啦!!!我係外邊一個月….我知錯啦!!!」講完之後，就係我悟住面嘅喊聲，係大聲到全部人都聽到，同時亦話俾全校同學知，恐怖雞個獨生女，小恐怖雞就係我
 
“佢係…恐怖雞個女?” “小恐怖雞?” “佢將自己個女趕出屋企一個月?” “好恐怖呀…”
 
「媽咪….我求妳俾我返屋企啦……」我仍然悟面喊緊
 
「Miss孔，我諗Jasmine真係知錯架啦，妳就原諒佢一次啦」就連Jessie姐姐都幫我求情
 
係呢個時間
 




「Miss孔!」係一個素未謀面係同學
 
「點樣!!!!!」媽咪以獅哮功回應，但係呢位同學竟然唔怕，仲向媽咪反擊
 
「妳囡囡已經知錯啦，如果唔係佢就唔會係咁多人面前同妳道歉同喊，希望妳以媽媽角度出發，我地任何人都犯過錯，只要知道自己錯咩，唔好再犯就得，我相信妳囡囡已經受到教訓，妳就原諒佢一次啦」
 
「Miss孔，原諒Jasmine啦」有好多同學附和
 
媽咪靜左一陣…