為了實現媽媽遺願，我成為了女校男生: 日本之旅（9）

終於到我最期待嘅日子啦!!!新幹線之旅!!!我地三個好快衝上新幹線，係N700A系呀!!!又快又舒服，雪凝係我身邊挨住我，而雪晴就不停望窗外
 
「嘩~姐夫，乜日本真係咁靚架?」
 
「我好鍾意日本嘅郊區，特別係四國，我會搵一次自已去玩」
 
雪凝聽到之後又扁咀「咁我呢，你唔帶我去架?」
 
「妳留係屋企幫我湊仔就得」
 




「哦!你好呀!!扔低個老婆呀!」
 
「呀!!!我真係頂你地呢對連體嬰唔順啦!!!」
 
「雪晴妳將來拍拖唔好似家姐咁痴身」
 
「放心!我一定唔會」
 
「有我痴你身唔好咩?」
 




「家姐，係邊個幾個月前扮哂野話唔鍾意人地呀?」
 
「我有講過咩?」
 
「咁又好似冇喎」
 
「妳地兩個瞓陣啦，我地去岡山站轉車去福山，然後再轉去三原，大約兩個鐘左右」
 
佢地兩姊妹好快瞓左，而我就係到睇書，終於轉左次車之後，我地到左三原站
 




「嘩!!姐夫!!真係小鎮咁喎」
 
「呢個係小城市，妳想去小鎮呢，就一陣搭吳線就見到咩叫日本小鎮」
 
雪凝好期待咁問「真係嘅?」
 
「係呀!不過首先呢，我地要買便當先，兔仔島冇咩野食架」
 
我地買完便當後剛好就開車
 
==================================================/
 
電車慢慢開動，窗外景色由小地市慢慢轉變成海邊小村同埋小鎮，以前睇過 『小鎮有你』呢本漫畫，環境同呢到差唔多呢，不過應該係漫畫中比呢到更鄉村
 
原來日本嘅電車係要自己撳制開門架




 
「嘩…好近海邊呀」雪晴望住個大海好開心
 
「唔算近啦，妳去下灘站，仲近仲靚，果到好浪漫架」
 
「咁你會唔會帶我去呀?」其實我都幾期待下嘅
 
「由大阪去?去到岡山轉瀨戶大橋線之後，去到坂出坐2個鐘特急，去到松山再坐一個鐘普通列車喎，          bb豬妳真係想去呀?差唔多5個半鐘先去到，影兩張相又坐5個鐘返大阪?」阿風講果時一面驚訝
 
「嘩…家姐，妳地兩個去好啦，我當妳頭班車去，去到果到都成12點，要浪漫就等黃昏，咀咀一陣又要搭五個鐘車返黎，妳真係咀埋我果份啦喂」
 
「嘩…用咁耐時間架…」
 
「不過…可以搭內陸機嘅…bb豬妳真係想去?」
 




「嗯…我地搵唔搵到一日去呀?」
 
「睇睇先…有一日我未安排行程，如果妳想去嘅話，我可以叫姐夫立即搞搞佢嘅」
 
「唔…阿妹妳去唔去?」
 
「我唔想專登一早起身搭內陸機轉電車去睇妳地兩個係到咀咀呀」
 
「其實我地4點幾開始搭電車返，好快返到大阪」
 
「點解嘅?」
 
「冬天啦傻妹，日本好快天黑」
 
於是阿風為左我，就計劃左一次非常瘋狂，即日來回合共差唔多700公里之旅