為了實現媽媽遺願，我成為了女校男生: 機上相見

Van仔好快到左機場，我地推住行李去check in
 
「林氏一家，四位，呀…你地呢…upgrade左去頭等機位」
 
「頭等?」爸爸一面懷疑
 
「無錯，公司將你地免費upgarde到頭等，祝你地有個愉快旅程」
 
我地一家四口邊行邊諗，頭等?有四個黑人問號出左黎
 




上到飛機，雪晴非常開心，因為係第一次坐頭等，而爸爸媽媽仲係黑人問號中，然後一把聲音解答哂所有問題
 
「雪凝，坐得舒服嘛?」我抬頭望見逸怡姐姐係到
 
「家姐?妳幫我地安排嘅?」
 
「我係空姐，邊得黎有咁嘅能力，係我男朋友幫妳地安排架，林醫生林姨姨，好耐冇見啦」
 
媽咪見到逸怡姐姐好開心，捉實姐姐雙手不停講
 




「阿怡，咁大個女啦，愈大愈靚女啦」
 
「邊係呢auntie，我都唔夠雪凝咁靚，佢可以將我細佬收服到，仲幫我教到佢聽聽話話」
 
姐姐講果時我又係面紅
 
「林姨姨，一陣我介紹我男朋友俾妳地識丫」
 
姐姐望一望錶「差唔多夠鐘啦喎」
 




「準備起飛啦?」雪晴好期待
 
「我地仲爭一位乘客未上機呢，不過應該好快到，妳地坐低先啦，佢到果時我d同事會好嘈架」
 
「知道啦姐姐」
 
姐姐望住我講「呢份就係我同Danny送俾雪凝妳嘅聖誕禮物」講完再單一單眼
 
禮物?
 
三分鐘後，我聽到有空姐好開心咁講野
 
「喂呀!!你坐呢班機呀?」「你係到就好啦，我地冇咁悶啦」
「丫!!Selina細佬呀!!」
 




姐姐英文名係Selina喎，莫非係…
 
機門出現左個熟悉嘅身影，佢首先向駕駛倉打招呼再傾一傾計，然後再轉身
 
「家姐，妳今次唔洗扁咀啦，Danny哥哥同怡姐姐送左份咁好嘅禮物俾妳」
 
我望住佢呆左，阿風出現左係呢一班機上邊
 
======================================================/
 
我望住雪凝「做咩呆左咁呀?」
 
「你做咩係到嘅?」
 
「家姐10月果陣幫我留定張機票，俾我自己聖誕節去日本玩嘛」




 
「即係一開始你就知道會同我同一班機?」
 
「可以咁講嘅」
 
雪凝又不停打我手臂「你好呀!!!呃住我!!!!等我唔開心咁耐!!!」
 
「咁我咪叫姐夫安排頭等俾妳補數囉」
 
「多謝哂你呀姐夫!!」
 
「風仔呀，下次唔洗咁幫我地架」雪凝爸爸係前邊講
 
「姐夫話佢好少用優惠，佢唔想浪費者」
 




雪凝仍然不停打我手臂
 
「姐夫呀!!同你調位，你同家姐坐啦」
 
「係喎，你住邊呀?未必同我地同酒店」雪凝又扁起咀咁講
 
「妳做咩想同我同酒店呀?」(難得放風當然想自己放鬆下啦)
 
「咁你間酒店係邊丫?」
 
「阿倍野區…東橫-INN」(對面就係飛田新地呀喂)
 
「我地住心齋橋附近東橫-INN，搭地鐵都好近喎」雪凝知道我地酒店好近後有D高興
 
「風仔呀，不如你調過黎我地到住啦，你自己有冇地方想去?」林醫生對我作出正式邀請




 
「呢層要問問家姐先，唔知佢同姐夫有冇預我陪佢地」
 
「冇!」家姐好快咁答我
 
「點解呀?」黑人問號
 
「你唔好阻住我地兩個」
 
「妳呢D咩家姐黎架?」
 
「林叔叔，咁就拜託你幫我照顧佢啦」
 
「冇問題呀，多間房更好，可以鬆動D」
 
「ba b呀，係咪我自己一間房呢」雪晴個樣非常之奸，而雪凝就望住窗口面紅
 
雪凝爸爸望一望我，我俾個暗示佢，我想自己夜晚行街
 
「風仔自己瞓返一間房啦，妳太細個照顧唔到自己架」雪凝爸爸果然係男人
 
「車，家姐都不知幾想同姐夫二人世界啦」
 
「坐好啦妳，就起飛啦」