為了實現媽媽遺願，我成為了女校男生: 賭神

大家都表演完之後，萬眾期待嘅環節就開始
 
好彩個環節唔係[唔啱就要打]
 
MC：各位同學大家好，我係妳地係”你問我答”環節嘅MC，Joanne，請多多指教
 
全場嘅掌聲不絕，因為文科班嘅Joanne係比雪凝更靚嘅校花，佢集合大胸、長腿於一身，我仲經常伸個頭入文科班望下佢，佢真係我女神黎架
 
「我地每年呢個”你問我答”環節，係最受歡迎，今年我地學校係咪好特別呀?」
 




Joanne將枝咪指向大家「係!!!!」
 
「有咩咁特別呀?」
 
「女校男生!!!」
 
「我地而家有請我地學校嘅女校男生，我地所有女同學心中嘅男神，不過好似已經俾佢同班同學霸左啦!!6B班嘅程逸風同學!!!!」
 
面對住成千個女仔，我突然間覺得有d淆
 




禮堂立即播出twins”女校男生”嘅純音樂?當然唔係啦，我話過我唔要呢首架
 
我出場嘅音樂係…..賭~~~~~~~神(係我要求嘅)
 
我一出場時，已經好多人笑到流眼淚
 
「你行快D得唔得者!!!!」
 
我就係賭神音樂之下，慢慢用高進嘅速度係後行出黎，再坐係椅上
 




「點呀?賭神高進，歡迎你喎，帶左幾多美金黎呀?」
 
「我呢到有瑞士銀行本票三千萬美金，點呀? 賭魔陳金城，巴拿馬總統最近如何呀?」
 
「賭得多唔好呀」
 
「我有咩所謂呀?我聚賭，最多就罰三千」
 
我同Joanne之間嘅對話將個氣氛最高左好多