為了實現媽媽遺願，我成為了女校男生: 再一次表白(5)

「妳可以做我女朋友嘛?」我終於再一次向鍾意嘅女仔表白
 
 雪凝怕怕羞羞咁望住我，其實我真係好鍾意佢面紅同怕羞個樣
 
「你講我知你鍾意我D咩先啦」
 
「唔…妳識照顧我，識煮飯俾我食，係我唔開心果陣妳會陪我，我病妳會緊張我，會為我著想，妳會為我呷醋」
 
「我…我幾時有呷過醋呀?」
 




「詩敏果次唔係咩?」
 
「你蝦我嘅!」
 
「最重要係，我知妳會無論點都好，順境又好逆境又好，妳都一定會係我身邊」
 
「但係…我會發脾氣架喎，我會打你鬧你咬你，同你拍拖之後嘅林雪凝，會係另一個我…你唔怕?」
 
「我連入女校讀書都唔怕，我仲有咩好驚?仲有…我最鍾意妳…」
 




「咩呀?」
 
「我最鍾意妳對麻花辮或者孖辮，當時我就係俾妳一對麻花辮、可愛嘅笑容同埋妳對梨窩吸引左，直到而家，終於…俾我搵返妳」
 
雪凝望一望我，咬一咬自己個唇，面紅紅耷低頭，再望返上黎
 
終於佢好怕羞咁點左頭「嗯…」
 
「妳真係肯做我女朋友?」
 




「其實…我都係三年級已經鍾意左你…係課外活動果時」
 
「妳指…第一日試整麵包果次?」
 
「嗯…你幫我抹左係面上d麵粉果一下…我就…」
 
「雪凝…」
 
「嗯?」
 
佢已經合上雙眼等我
 
我地兩個咀再痴埋一齊，今次雪凝都有主動錫返我到，應該算係個小型法蘭西之吻，我地分開之時都有D窒息嘅感覺
 
就係雪凝17歲生日當日，我18歲生日後五日，我地結束10年(應該有)嘅互相暗戀長跑。