為了實現媽媽遺願，我成為了女校男生: 再一次表白(3)

雪凝拍左我幾下心口，示意要放鬆下先，我係唔捨得情況下同佢分開一陣。我望住雪凝，佢塊面紅到好似蘋果咁樣，咬住自己個唇望住我
 
「你…做乜…」佢個野字都未講，我又再一次捉住佢，拉佢埋身邊再錫多一次
 
我完全唔俾佢講野，我直接用行動去證明對佢嘅心意。今次同頭先果次唔同，佢雙手有攬實我，今次佢又係差唔多到窒息果陣先推開我
 
「喂…你無啦啦做咩錫我呀…你有句野未同我講呀」
 
原來個傻妹想我同佢講”林雪凝，我鍾意妳，可唔可以做我女朋友”呢句
 




「呢個算唔算妳嘅生日禮物?」
 
「邊…邊算呀?我唔當係架!!」雪凝到而家塊面仲係好紅
 
我係書包拎出織好俾佢果條頸巾，再幫佢戴上頸
 
佢見到果時，個樣呆左，因為佢冇估過條頸巾我係織俾佢