為了實現媽媽遺願，我成為了女校男生: 物理治療

第一次去做物理治療，係一間私人嘅診所(雪凝爸爸指定要我去)
吳醫生(物理治療師都應該可以叫醫生掛)幫我檢查左膝，而雪凝就係身邊好緊張咁睇住
 
「咁樣痛唔痛?」
 
「痛!」
 
佢再試另一個角度，同用手按左膝某D位，果下我已經唔洗答佢，因為我已經D冷汗出哂黎
 
「你都好忍得喎，你左膝都傷得好重，平日除左跑步仲有做咩運動?」




 
「打籃球、踢波」
 
「咩位置?」
 
「三分射手，守門員、中堅」
 
「OK，一陣你換褲，然後瞓落床，林小姐妳出去外邊等下」
 
換褲，落床?乜做物理治療要通埋櫃架咩?




 
瞓落床，開始治療，除左我所知道嘅熱敷冷敷同超聲波之外，估唔到而家物理治療係會做拔罐同針灸。拮完落去就覺得隻腳好慶
 
「有冇感覺?」
 
「有呀，熱熱地，D血好似行緊咁」
 
「你隻左腳都落左超過10針，你想快D好定點?」
 
「醫生，我仲想跑半馬喎」




 
「咁我一陣安排衝擊波俾你，會快D好」
 
我影一影隻左膝，Send張相俾雪凝兩姊妹同埋其他特別感情好嘅同學個group到俾佢地睇，佢地嚇到立即回覆
 
“痛唔痛架?” “爽唔爽?”，不過最變態都係Ivana
 
「原來你係M底，鍾意俾人虐待」
 
其實呢d算少野，之後落黎嘅衝擊波先係主菜
 
“啪啪啪啪啪啪啪啪啪…”衝擊波嘅聲音不停傳出黎，雖然好似超聲波咁，但聽聲都知個Level係完全唔同
 
一打落黎果下，我全身冷汗都出哂黎
 




「痛呢?」
 
「痛…痛…」
 
「痛即係代表受傷，你知你而家傷幾重啦?」
 
「我知…我知…不過要打幾多次?」
 
「至少10次，每次500至4000下，你忍到痛，我再加力」
 
30分鐘後，我好似俾人虐待完咁返出去
 
「而家開始直到好返你都要好柺杖行路，普通行山果款ok」
 
「麻煩哂吳醫生，今次幾錢?」




 
「林醫生話唔洗錢，佢會幫你俾」
 
我同雪凝一齊「下」左聲出黎
 
「佢話你係佢大女個男朋友，所以佢會幫你俾，程生，好好地對林醫生個寶貝女啦」
 
「知…知道」
 
其實我係咪應該開始叫雪凝爸爸做ba b呢?