為了實現媽媽遺願，我成為了女校男生: 皮已收

雪凝講得冇錯，搭緊車返去學校果時，我已經開始唔舒服。又凍親。
 
「我都話左你架啦，而家又病啦」
 
「冇事喎，返去食藥就冇問題」
 
「我一個人抱唔起你返屋企呀…唔…Miss Wong」
 
「係，咩事呀Jessie?」
 


「我身邊呢位仁兄應該又凍親，可唔可以係我爸爸診所附近俾我地三個落車呀?」
 
「冇問題，我打俾Miss Chan叫Karen過黎我地部車啦」
 
「其實…唔洗啦，直送我屋企就得啦」
 
「唔得呀!!你去見我爸爸呀!」雪凝好大聲咁樣命令我
 
「Miss Wong呀，Anthony要去見家長啦，買咩好呀?」Ivana係車到大叫，明顯佢就係抽水
 


「Anthony你準備定禮金啦，仲有同你契媽講定喎，洗唔洗我而家打俾佢?」
 
「得啦得啦，我而家去提親啦，林雪凝妳肯嫁我未呀?」此話一出，全場尖叫
 
「咪玩啦你!!!而家你病到咁呀!姐姐落機未呀?」
 
「佢邊有咁快返到」
 
「Jessie妳帶佢去睇醫生先啦，之後通知返我地」
 


「知道」