為了實現媽媽遺願，我成為了女校男生: 公開秘密

「哦!!果日呀!!我係現場觀眾呀」雪晴唔知幾時已經過到黎，我又唔可以捉住佢喎
 
「Karen妳快d講啦!!」
 
雪晴拎住個大聲公，企係張檯到發表演說「果日姐夫係學校追出黎同家姐表白，好大聲講『林雪凝，我好鍾意妳呀!!』」
 
“嘩!!!!好大膽呀你!!!!”

果一刻我已經無地自容，準備跳落海就算，不過雪凝就係呢個時間雙手撓實我左手，要我留低陪佢俾人笑
 




「咁叫大膽?表白之前仲勁呀!!!」雪晴愈講愈興奮
 
“點呀點呀?”原來果時兩班已經圍埋一齊聽
 
「姐夫追出黎之後，送左隻草泥馬公仔鎖匙扣俾家姐，就係家姐而家筆袋果隻，然後立即捉實家姐雙手，再同家姐咀咀，啜左成分鐘咁耐，之後家姐塊面紅哂，之後成日係到傻笑，仲請我食雪糕添呀!!」
 
“嘩!!!原來你地兩個已經啜啜埋添啦?”
 
“哎呀~~~隔離班肥花冇希望啦!!!樓下d小妹妹冇希望啦!!!”
 




果時雪凝已經怕羞到雙手悟面，但佢又笑得開心，再加成面紅哂
 
「喂呀!!!妳咪再提好嘛!果時...果時...邊係同佢拍拖呀」
 
「咪提嘅話妳書檯同銀包做咩仲擺住妳地小學6年級張合照呀?」
 
“喂!!!我地想睇呀!!!” “拎出黎啦Karen!!!”
 
「家姐個銀包佢收埋左呀」
 




「拎出黎啦喂!!」
 
「唔俾呀!!怕羞架」雪凝仍然紅住面，但佢又好開心，同一時間Ivana已經搶左佢銀包，抽左我同佢小學張合照出黎
 
“嘩!!!!你地好襯呀!!!!”  “Anthony你銀包呢?”

「姐夫個銀包係我手上喎」
 
大鑊……我銀包相格唔止有我同雪凝小學張合照…仲有…
 
「喂!!!姨仔!!!錢俾妳!!!唔好打開」
 
「我視錢財如糞土!!」雪晴一打開銀包