為了實現媽媽遺願，我成為了女校男生: F.2小妹妹的問題

「家姐，做咩妳成班同學圍住姐夫呀?」
 
「點知佢地喎，Ivana一向傻傻地架啦」
 
「家姐呀，頭先係車到發生咩事呀?」雪晴好奸咁望住我
 
「邊…邊到有事呀?」
 
「家姐妳眼神出賣左妳啦」
 


“係囉姐姐，我地都想知呀!!”雪晴其他同學一齊走過黎八下
 
「我…我拎枝白花油俾佢之嘛」
 
「做咩咁細心呀?」
 
「咁佢以前搭長途車會嘔嘛，咪幫佢準備定囉」
 
”雪凝姐姐妳好細心呀，妳地拍拖幾耐呀?”
 


「下…我都唔係同佢拍拖」
 
「好快架啦家姐，妳唔記得怡姐姐點講咩?佢話姐夫好快就向妳進攻」
 
“一定會好浪漫啦”
 
「然後我就做阿姨係唔係呀?我要儲錢買野俾我外甥啦」
 
「乜野呀!妳諗到咁色情架!!」
 


「正常拍拖都會咩架啦」
 
「怡姐姐講野妳又信?」
 
「果個係姐夫家姐喎，唔信佢信邊個呀?」
 
呢個時間，阿風俾Ivana追打，走到過黎我呢邊
 
「嘩!妳地搞咩呀?」
 
「Jessie呀!!妳老公呀!!幫我改埋d變態花名呀!!」
 
「咁妳係丫嘛!!」
 
「佢改妳咩花名呀?」


 
「好……好變態啦總之!!」
 
「你又改左咩花名呀?」
 
「熨波洲之嘛，幾好呀!!!遊艇會黎架!!」
 
「食屎啦你，明話我胸細啦!!!」
 
「咁妳要咁諗冇法子架」
 
「你真係一條cheap精黎架!!Jessie妳咪嫁佢添呀」
 
「下?嫁佢?」
 


「佢九成九想就咁簽紙就算，咩都唔搞果類人黎架啦」
 
「我得家姐一個，有咩好怕喎」
 
「夠啦!!返去燒野食啦!!」