為了實現媽媽遺願，我成為了女校男生: 手錶到手

阿風聽到我問佢要隻錶果時，佢呆左一陣，然後佢打開個盒，拎出左隻錶，係入邊，仲有我同佢果張合照，莫非佢……
 
「呢隻錶…我細個話想要隻特別d嘅錶，唔要當時好hit嘅G-shock」
 
「但你而家都戴住呀，你唔係唔鍾意咩?」
 
「咁跑步打波妳唔會戴隻撈出去架嘛」
 
「咁又係嘅」
 




「於是爸爸就買左呢隻蘇聯海軍潛艇軍錶俾我，仲要係用人手上鍊嘅機械錶，而且佢揀呢隻錶係有意思」
 
「係咩意思?」
 
「潛艇最主要，係靜靜潛行，唔俾人發現自己，係一種少說話多做事嘅武器，我爸爸就係想我好似潛艇咁，少說話多做事，有咩都要自己解決」
 
「世伯諗野好長遠，用一隻錶可以教你咁多道理」
 
「不過…妳要黎做咩?我搵左好多間鋪都整唔到，呢隻錶係1960年代產物」
 




「嗯……我應承你，我一定會幫你整返好!!一定!!」
 
阿風望住我有D面紅咁樣，然後講左句好震撼嘅說話
 
「我…我話過邊個幫我整好隻錶，我會為佢做一件任何合法、非傷天害理嘅事」
 
「咁……包唔包括結婚?」
 
「都可以嘅……」
 




「咁我拎去俾隔離班肥花先~佢好似鍾意你」
 
「唔好呀!!!我求妳啦!!!咁我寧願娶妳啦」阿風雙手捉實我膊頭再攬實我，同時我感到自己塊面好熱
 
我聽完之後望實佢「你講真?娶我?」
 
「係!妳千祈唔好俾肥花!!!我食唔慣肥膩野架」
 
我用手指掂一掂佢個鼻「咁我考慮下先啦，首先呢，你要同我一齊食飯」