為了實現媽媽遺願，我成為了女校男生: 公開的秘密?

學校通告，下個月陸運會同旅行日係同一星期
 
Ivana係班房大叫出大家嘅心聲
 
「終於可以休息下啦!!!再唔休息下會死人架!!!」
 
「妳呀，適當時候都要放鬆下嘛」我邊幫Ivana按摩邊講
 
「我邊似得妳有愛情滋潤，有個男朋友陪我放鬆呀」
 


「我…我邊有男朋友…」
 
Ivana轉身大聲問其他同學「喂!!大家認為Jessie有冇男朋友呀?」
 
「有!」「點會冇呀!」
 
Ivana再接再厲「佢係邊個呀? 」
 
「Anthony 丫嘛!全班都知架啦」「嫁未呀?」
 


「喂呀!!妳地咪玩啦」
 
「嫁?邊個咁快嫁呀?」剛去完洗手間嘅阿風返到黎聽到呢D對話就一頭霧水
 
為防止俾佢繼續八掛嘅關係，我將佢推左出班房
 
「女仔野呀!你唔好問啦!」
 
「我想返埋位呀!」
 


「冇呀!」
 
每日我同佢就好似上演鬧劇俾全班娛樂咁樣