為了實現媽媽遺願，我成為了女校男生: 為你煮飯?

「姐夫，你有冇女朋友呀?」
 
雪晴問呢條問題時，我個心跳得好快好快
 
一聽到佢話冇女朋友時，個心情立刻放鬆落黎
 
與此同時，Ivana用手肘撞一撞我之後俾個眼色我
 
「咁…咁平時邊個煮飯你食呀?」
 




「冇架，燒味下庄、外賣例湯」
 
「即係一日三餐都係街到搞掂呀?」
 
「可以咁講」
 
「姐夫呀?咁今日個飯盒好食嘛?」
 
「好呀，有我最鍾意嘅餸呀」
 




「家姐專登為你而煮架」
 
「喂!!」估唔到個衰妹會係全班同學面前咁講
 
「呀…唔該哂妳呀Jessie」
 
「我…我煮多左姐…」
 
「不如咁啦姐夫，每日我地都幫你準備飯盒啦」
 




「下…會唔會煩到妳地屋企呀?」
 
「唔會，家姐好樂意架，係咪呀?」
 
「下…我…」
 
望一望其他d同學，大家都係到對我微微點頭，好似叫我把握機會咁
 
「冇問題呀」
 
「唔該哂妳呀…….微波爐」
 「呀!!!我叫左你幾多次唔好再咁叫我呀!!!」