為了實現媽媽遺願，我成為了女校男生: 停止運行的手錶

打開櫃桶，係一個盒到拎出一隻錶
 
係一隻純人手上鍊嘅蘇聯軍錶，指針同錶面已經爛左，永遠停左係果個時間
 
果陣大家仲細，所以我嬲唔落雪凝，同埋，佢係我暗戀嘅女仔
 
如果換轉係中學時代嘅我，可能已經大巴大巴咁星過去佢到
 
櫃桶之內，仲有我同佢細個嘅合照，當時大家嘅笑容仲好天真
 




估唔到當年嘅微波爐，個樣比以前靚左，同埋已經不再微波

心臟突然間跳得好快，雪凝5年前嘅笑容、佢嘅面紅同怕羞再一次出現係我腦海之中，

5年後嘅佢，仍然冇變，就係呢個時刻，個心突然痛左一下

 
重遇佢，突然就覺得自己好似返左小學時代咁樣
 
屋企有爸爸、媽媽、家姐，四個人開心咁生活




 
邊會諗到十年之間，得返我地兩姊弟一齊生活
 
「阿風!」
 
「係!!」
 
「學校有冇通告要簽之類?我聽日飛日本，好夜先返到黎呀」
 
「得啦，妳放心喎」




 
「學校有冇特別事呢?」
 
「重遇小學同學算唔算呢?」
 
家姐以不懷好意嘅眼光望過黎
 
「中學重遇、青梅竹馬、兩小無猜，重燃愛火」
 「火你個死人頭呀!快d執野啦你」